Reviews of Caveman
以下評論文字引用自多個網絡日誌及留言
2008-04-10 23:46 post, 2009-06-24 13:26 update (131: 11+60+3+57)
--
幾段值得欣賞和回味的話劇片段
甘麥基 (Maggie ^o^) 於 2009-01-11 09:38
幾段值得欣賞和回味的話劇片段:
謝君豪的「梨花夢」closing的一塲。他做老殘,真的不作他人想。可惜他巳很少回來出劇了…
「喝彩」唱做俱佳的Gary(譚偉權);音樂劇的中流底柱。
「死佬日記」:歐錦棠的一個好作品。
未看的可以去看rerun啊!
--
死佬日記by歐錦棠(Feb)
Mars Lady 於 2009-01-15 08:55
As an actor (not a super star), I think Au Kam Tong is great!
Mars Lady + 2 sisters bought the ticket for the play on 11th Feb.
回應
Aibi 2009-01-21 04:31
同事三分親裡面最鍾意佢,幽默感遠勝王祖藍!!
Mars Lady 2009-01-22 09:47
That is because 王祖藍's character at 同事三分親裡面is common!
Matthew 2009-01-17 20:26
歐錦棠是典型的綠葉演員。
Mars Lady 2009-01-22 09:46
綠葉演員=evergreen!
平常心 2009-01-16 18:00
我看過他在亞視的流氓律師, 不錯!
Mars Lady 2009-01-22 09:45
Oh, I miss that ATV series of Au!
Lion Man 2009-01-15 23:35
MCC b hon,
我上年都睇咗呢齣drama, 唔錯呀!
Mars Lady 2009-01-22 09:45
Lion Hon,
Sorry, so busy these days!
Oh really that good? The sisters bought 3 tickets la, Feb.11
How are you? Nose ok?
～◎┌§《小楓》§┐◎等於～《Lucifer》┴┐ 2009-01-15 13:54
沒有這些演員~戲就不好看了!!
Mars Lady 2009-01-22 09:44
Agree!
--
死佬代言人, 情人節約定你
Cathy 於 2009-01-17 16:08
三度公演的「死佬日記」, 擇日在情人節約定你 (&你的另一半)!
之前已經看了重演, 真的很正! 驚喜浪接浪, 笑聲不絕! 還有男女朋友之間, 愈看愈有共鳴!
情人節, 反正要花數百元搵節目, 例牌行街、睇戲、食飯, 不如考慮與另一半走進劇場, 欣賞口碑載道的「死佬日記」三度公演, 說不定你與會愛侶找到開心相處之道呀!
誠意推介:
歐錦棠 - 多年前已經很喜歡看他的演出, 最近的「鬥角勾心」亦叫人讚不絕口呢!
死佬日記 - 你一定可以找到你自已, &你的另一半! 你們定可會心大笑, 度過一個特別又難忘的情人節啊!
--
《死佬日記》(Caveman) 3rd run (少更新)
小詠 ~ Little Wing 於 2009-02-10 23:57
因為一月一日看了亞盧製作 ~ 勾心鬥角，所以歐錦棠今天請大家那日看此劇的觀眾入場看他的棟篤笑優先場，真的萬二分感謝他了。
這大約90分鐘劇，輕鬆惹笑，「死佬」向大家重點解釋了一次《男女大不同》系列，我捧腹大笑之餘，更很有共鳴呢!!! 那個關於家中大衣櫃、鞋櫃的佔據，我點頭 也來不及的回心微笑..........
然而，此劇又豈止關於男女之別呢! 其實可以放在人與人之間的相處；我認為此劇重點在乎溝通，而溝通的重點在乎了解，而了解的重點在乎聆聽和關懷。
再者，歐錦棠的外表相當麻甩得，很符合「死佬」造型，和我近日看他在『畢打自己人』的閻汝大，他的確多才多藝。
此劇絕對適合情侶看的，如果是單身人士，看了也會獲益良多。
回應
Perdition 2009-02-16 17:27
Really? YEAH!!!
Perdition 2009-02-13 18:16
嗚嗚～我都好想睇呀．．．仲齊人"勾心"呀？去唔到真可惜～下次重演話我知啦．．．
小詠 ~ Wendy 2009-02-16 00:46
好呀!!! 聽聞2010年re-run,還可能大改添!!!
Paradise kiss iris 2009-02-12 12:36
嘩~~好多人捧場呀！我覺得依齣寫男女關係好現實，大家了解多啲，相處時就更加協調。
小詠 ~ Wendy 2009-02-15 01:23
你說得對!!! 也希望你和你將來的另一半相處更開心和快樂!!!
情人節快樂!!!
Ceci 2009-02-11 13:19
真係好有共鳴，亦悟出相處之道。
小詠 ~ Wendy 2009-02-11 13:25
對呀!!! 真是終生受用呢!!!
慕慕 2009-02-11 13:10
嘩！咁好呀！有得免費看，而且好像蠻吸引的. . .
小詠 ~ Wendy 2009-02-11 13:24
這個真要多謝區錦棠喇!!!
--
2月8日 看《死佬日記》('08) by 春天實驗劇團
George 於 2009-02-11 13:12
原著是《Defending the Caveman》
原版的副題是Broadway's Smash Comedy About the Sexes
這個劇，最早，是先有漫畫的，後來1991年被改成舞台劇，先在三藩市上演，到1995年才改到百老匯演出。
有幸看到香港的改篇版，很複雜的過程，不多贅了...總之多謝朋友。
然後，我很佩服歐錦棠能一個人說個半小時書，背好對白記好位，很難，我講10分鐘書已經不斷要停，我不可能記下三堂課的內容不停地說，而且是一人分飾男女，自言自語。
不過，看不多久，我就有點抗拒...
基本上我對粗口是零容忍的，演員把說粗口講成男性間的溝通文化，我不能同意。
演員時而跟觀眾交流，也不是我喜歡的模式。尤其是我跟對方三唔識七時...(上堂跟學生交流還OK，因為我認識我的學生)
跟自己的經驗相融，老實說我覺得演員像講課多於像演戲...因為課堂上的老師基本上也是一個表演者，為了吸引學生注意力無所不用其技。
可惜是我對節目要描述的兩性現狀既不熟悉又不認同(對，我是住在深山的，俗務不要滾攪我)，前面就說過了，如果節目要告訴人全部男性都會說粗口，不會說的人是什麼？我天天都在教男生說話不該粗俗，我又在做什麼？可以收工去也？
越聽越不對路，想走(即是想睡)。如果這個世界的男女都像劇中所言，那我不想在這個世界生活。
另一個落差是，入場前以為是話劇，加上片初播的片段，於是一直等第二位角色出現；可惜等極都等不到女主角出現...完場再看場刊，才知道原來來到香港，這套劇的定位是「楝篤笑」...
--
「死佬日記」rerun - 觀後感
甘麥基 (Maggie ^o^) 於 2009-02-12 21:01
這是我第二次看這劇…仍然很有趣、好抵死、好好笑同好有意思!這次仍然有很多update的話題,個塲大咗;感覺又唔同咗!
未睇嘅真係好值得去睇ka(still have two days to go):無論係單身、拍緊拖、結咗婚或老夫老妻…真係會會心微(大)笑到震!
「在戲劇中能找到了反思」-這是歐錦棠在完塲後的一句說話!
在劇場的震撼感覺係好真實嘅!笑和哭都會放大,因為演員就在你的面前!You can feel their joy and their sadness....!!!冇得NG但絕對有機會蝦碌,但一切就好真實、好warm、好touching;他們的感情就在你的面前....
每齣劇都是台前幕後的苦心,每一塲都是unique的。所以每次完塲都好大力拍掌,希望他們聽到!每次離開都依依回味,加油加油加油!
--
死佬日記看後感
Alby 於 2009-02-13 09:53
棠棠， 其實從你由ATV做戲開始， 我已十分欣賞你.尤其你飾演既覺色要有少少似李小龍既影子， 特別好睇.
睇完死佬日記之後，個感覺好好.你既表現真係可以切切低低咁去演活我身邊既死佬.令我明白好多死佬既行為唔係一個人既問題，而係人人都係咁.你見到每當你做每個小節時都有咁多掌聲，就知道真係好多人都係咁， 好多人都有共鳴.哩套刻亦令我明白及了解我身邊既死佬原來對我好好，只係大家唔同文化先有衝突. hehe ^.^
不過唔知係咪哩個係一個翻譯劇，你好難發揮得好好， 好似有個框框困住你咁.我想睇多D你爆肚攪笑多過跟稿演繹出黎.咁樣你便可以做得更好更放.
如果再有你既劇場，我定必抽時間去看你精湛既演出!!
祝永遠成功!
棠棠， 希望你可以將你既演出出DVD^^支持你!!
--
2月14日::
情人節快樂^^
……
4點幾過左去葵青劇院"
5點15分開場"
我地兩個同小c傾電話"
我又打左比豫蕾^^
係到講某人既野' 愈講愈炆囉!
見到好多人' 同小恩恩講'
你睇下.. 差吾多個個都係1對對咁黎-0-
入到去' 好大! woo 開場個陣勁好笑!
『 請關掉電話.如果你交震機'記得吾好放係敏感部位』
有段片.. 勁好笑^^ 有『死佬』同佢太太既小時候照片,同埋有結婚相..
d結婚相好令!
入面話佢太太帶朋友返屋企' 歐錦棠就冇喇喇搵野姐住下面^___^
笑了 !!!! 段片完左 ;
就有人行出黎-0- 個個就係主角' 『歐錦棠』
佢未講野"就係到搵野=-=
之後打電話比佢老婆,
問佢個公仔心口個件野去左邊-0-
超搞笑' 之後主角整到成個地下都係底褲"
佢拎出黎個陣拎埋個bar出黎! 勁好笑!
整左個底褲圈出黎!!哈哈' 煮麵就好似嘔麵咁^^
吾記得左做咩佢會話""你都kaikai地既!
話d薯片食晒..
有6個女人坐係1張sor發到;
呢6個女仔會1齊排隊入廚房拎薯片..
又整下前面個個女仔d頭髮.. 扯下人地條bar帶!
同樣地, 有6個男人坐係1張sor發到;;
呢6個男人只係會講數"
1> d薯片我買' 等等等等!
最後..講到第6個男人個陣.. 6>我負責食薯片; 點知冇聲出..
佢就去拎左薯片...
我係呢到講返出黎係吾好笑" 要自己親耳聽過先覺好笑!
有粗口' 笑死'
『男人全部都係仆街』 『屌你』 『點牙橪樣』『on9仔』
佢話: 有邊個會話女人係『on9婆』
笑死! 又講原始人! 好多野"
佢扮d party音樂聲 勁似! 讚
之後佢問個男人:你係咪xx. 個男人答;吾係
『死佬』叫佢去驗身! 笑死'
之後佢問第2個男人; 佢答係!
『死佬』叫第1個男人學習1下第2個男人!
笑了! 跟住又講: 第1個男人係on9仔 第2個男人係橪樣..
笑爆咀^^
做左好耐... 好好笑, 不過中間有丁點兒悶'
冇筆.. 吾係都做問卷!
最尾完場個個動作拎住支野個個樣.. 超型^^
之後『死佬』入返後台.. 出黎講d野'
問:情人節係咪真冇節目先黎睇『死佬日記』
好多人都答係" 哈哈! 都幾好睇牙!
散場luu' 去埋個洗手間' 見到好多人..
原來『死佬』出左黎同人影相'
我都有同佢影.. 小恩恩幫我影'
我同小恩恩都問左『歐錦棠』拎簽名'
多謝^^ 仲見到佢太太.
去返新都會食飯'食完飯就走人..
如果吾係聽日要比賽' 我都吾咁快走!
今日好開心^^
--
情人節的死佬日記
Hami 於 2009-02-15 01:08
今日睇完死佬日記情人節版，真係好正!!
以前都唔知你做過咁多舞台劇!!
今日一睇就知你對舞台劇好有heart!!
希望你有幾多的作品，我會支持你嫁!!
今日見到你對你老婆的愛，好感動，祝你們百頭到老!!
幸福快樂!!
--
男人--->inborn 狩獵者
女人--->inborn 收集者
睇完我肯定我的思想模式 + 行徑 + 語言 + 語氣
有80%係男人
例如
衫褲鞋襪唔爛到穿窿都唔去買新, 唔會係又買唔係又買
去到剩係搵果樣 + 買果樣, 買到就走, 唔會亂買一通
同朋友坐底傾計, 一定一人坐一忽坐開傾, 唔會好似女仔咁越坐越埋
口密, 朋友講完秘密絕不外洩, (K老公同我講嘅嘢, 我都唔會講翻俾K知)
每日需要熄機-遊白雲--->义電
對<朋友>絕對夠騾
粗口爛舌
覺得情人節送花似拜山
如果火送我花, 我一定通佢櫃, 幾舊水, 食落肚好過啦
只有20%係女人
愛做家務
愛行街市-買餸-煲湯
愛收集情報
我終於明白
點解以前成日俾女同學杯葛
點解同女仔溝通咁難
點解同男人溝通咁易
點解自己咁多兄弟
死佬落台, 攬住老婆萬斯敏, 唱《Daddy's home》俾老婆聽, sweet到爆
食蕉行埋嚟用電筒照我, 話呢度唔俾影相
我話：我同你一齊落去捉咗萬斯敏前後左右果幾部機先啦!
食蕉黑面行開
--
今次應該係最後一次兩個人過既情人節, 因為下一次應該會多左個人仔, 不過我地都無咩點慶祝, 事關我實在頂唔順報紙雜誌電視新聞不斷報導情人節, D人點樣買花, 點樣慶祝, 要做D咩野咩野……..好似規定你一定要跟住咁做咁做, 唔一窩蜂跟住做就係怪人一樣。Mud每個人唔係應該有自己既生活方式咩?
由於天氣唔係太好, 本來諗住同女人出去影下相, 最後響屋企附近既公園影左少少相, 等佢可以比佢D外國同事睇下佢個樣, 其實我都諗住每個月同佢影下相, 記錄一下佢既懷孕過程, 之但係唔知點解我地成日都好似好唔得閒, 成日都要出去買野, 睇下邊度有BB野減價, 攪到無時間同佢影相, 希望遲D可以影返多D
由於我買左飛睇歐錦棠既”死佬日記”, 於是我地就去左葵芳行下, 方便食完野過去葵青劇院, 因為我地遲出發既關係, 行左一陣就要搵野食, 我地都無咩所謂, 事關四圍都係賣緊情人節套餐, 我地見Delifrance唔駛等就入左去, 食左個三文治同一個幾難食既鮮茄肉醬闊條麵, 我估出年可能連寶福山都有情人節套餐……...
歐錦棠做棟篤笑, 我覺得OK好睇la, 基本上係講男女之間相處之道, 佢由原始人講起, 因為男同女既職責唔同, 所以大家既行為同諗法都有分別, 形成好多現實生活既矛盾。
咁樣就過左今年既情人節。
--
===================================================
--
死佬代言人歐錦棠 - 分享「死佬日記」
Cathy 於 2008-07-06 17:51
打從歐錦棠由ATV做第一齣電視劇「Q表姐」開始, 到今時今日的「同事三分親」, 都喜歡看他的演出。別忘記他出道時, 在ATV都經常擔任主持&司儀, 其實他的口才也十分了得。
一月份未能欣賞他的「死佬日記」, 八月份不會再錯過了!
聽說「死佬日記」很適合情侶們去看的, 快快約定你的另一半啦! 不打算與情人一起看, 與朋友去看都必會有所得著!
回應
小菠蘿昕 2008-07-12 09:54
Seems that quite good really
I missed Jan one...but still not yet bought the tickets now....
Cathy 2008-07-12 19:22
I missed the one in Jan too. So, I will not miss that this time la!
ღ 劉住這天地 ღ 2008-07-07 13:00
睇吓有無時間睇先得...
Cathy2008-07-07 22:25
我已經訂了票, 等寄票給我咋!
聰媽 2008-07-07 09:37
真慘 ... 兩次都無緣看 ~~ 唯有期待第三次吧 ~
Cathy 2008-07-07 22:23
我今次與Mr K拍拖睇劇! 他一答應, 我已即時訂票啦!
--
七月十四日(一)，是日日誌：早上近中午，做經絡治療。回家，往附近森那美車行交汽車保險費用，後往銀行處理銀行事務。四點，到上環雜誌社上班，第四期的編務工作開始。
傍晚，往中環蘇淅同鄉會，出席春天舞台的飯局，高志森請吃飯，介紹歐錦棠演出的《死佬日記》（百老滙劇改編）和劉雅麗的《蔓珠莎華》（本地創作）。
席間見高志森、歐錦棠、劉雅麗、葉潔馨、杜惠東、林超榮、屈穎妍、陳慶嘉、梁新燕、香樹輝、陳鈞潤、李怡、麥華章、蘇狄嘉、薜興國、韋基信、阿Kin、劉建威、邵家臻、李慧心（《死佬正傳》導演）。
兩劇將於七月底至八月中，在理工大學賽馬會綜藝館上演，今次已是重演，一套是歐錦棠一個人直落演出的獨腳戲，講「男人經」；另一套是劉雅麗連續唱三十三歌的個人表演，講天涯歌女的心迹，都屬有難度的演出，也看出兩位多元化演員的實力。
--
今天我生日,8月3日祝我生日快樂
AUSON神 於 2008-08-03 06:05
買了飛看死佬日記~這套ONE MAN SHOW我很喜愛~
--
死佬日記---話劇(上)
sammi cafe 於 2008-08-05 23:44
我也記不起我是如何知道有這齣話劇, 只知道是由<同事三分親>內的歐錦棠主演, 自從他拍了此部電視劇, 我便十分喜歡看他,覺得他演喜劇十分出色及抵死, 所以, 當我知道此劇是由他演時, 便很有動力想去睇!(原來此劇在今年年頭也有做過,現在再做)
真感恩, 正苦惱找什麼人陪我去睇時, 剛巧在msn見到一位朋友(阿肥),便問下她啦, 點知她也有興趣,真是一拍即合, 今晚重買了門票,真很期待呀……
另外, 知道這位朋友原來也有上我的blog去看, 可是我沒有什麼新內容, 令妳失望, 真不好意思, 所以我今晚回家便立即寫, 不敢怠慢…多謝您關心我的生活!
p.s.大家如有興趣, 也可以先打電話去查下訂位情況,
tel: 2734 9009 (因為餘下的$100位也不多,有的還是單丁位,我和朋友差d也要分開睇,好在另外一個日期有雙位,可以同朋友一起坐,否則也同一命運!$200位的應該會多d,自己去check下啦)
--
『死佬』又嚟喇！
Phy Phy 於 2008-08-06 01:11
特別設計原始『死佬』形象，讓他在旺角鬧市中走來走去，原以為會嚇親人，什知竟然逗得途人個個開開心心跑來合照、攞簽名。
如此大陣象只想告訴大家，『死佬』又嚟喇！上次一月份出現在香港島，贏盡口碑；其後四月份到加拿大做巡迴，依然大獲好評；今次載譽重來，明天起將會出現在理工學院，大家千萬不能錯過！
回應
經理人 2008-08-21 01:02
出左埠工作, 幾時重演?
經理人 2008-08-20 22:55
亞棠好搞野呀!
Phy Phy 2008-08-20 23:13
有冇亞棠套睇劇呀？
黃昏路人 2008-08-07 23:27
唉! 真是人算不如天算, 一路都好想睇呢個show, 但因整個8月要做奧運唔批假, 捧到場的機會都好微,
點知6/8 竟然咁蹺返早, 滿以為終於可一睹"死佬" 風采, 但可惜就比場失魂風搞喎o左, 而家改到12/8, 而我下星期全部返中更,
放假就放16/8, 真係忍唔住要講個難gag : 呢次真係 "方太d - 整定", 想唔退票都唔得啦! 不過Doreen
話會嘗試搵其他人要o左張飛, 結果點, 佢會聯絡你.
幫我同你個"死佬"講聲Good Show! 唯有期待佢o既下一次早d 再臨啦!
Phy Phy 2008-08-07 23:50
你同死佬真係緣慳一面！
Phy Phy 2008-08-08 00:03
唉吔！無緣相見添。
翠儀/Tweety 2008-08-07 13:25
八號風球取消演出, 延期之後無得睇喇!
Phy Phy 2008-08-07 13:38
世事難料，一日未完show，一日都唔知有冇機會睇。
MILK 2008-08-06 19:48
哈....個形像勁攪笑呀，ok喎你design，我都買咗飛，等睇演出！
Phy Phy 2008-08-07 00:20
哈....有d似流浪漢呀！
Phy Phy 2008-08-06 18:17
特別通告：注意
而家雖然落咗8號風球，但係今晚6Aug08個Show cancelled, 改咗去12Aug08(二)，千祈唔好去錯！
Cathy 2008-08-06 10:52
斯敏專業果然是專業!
我去睇15/8那場呀!
Phy Phy 2008-08-07 00:11
就咁遲，不過應該愈遲愈好睇吧！
ming 茗 2008-08-06 02:03
唔知會唔會出DVD?
我想買來睇呀!
Phy Phy 2008-08-06 02:56
舞台劇放在DVD就不好看了，這是舞台劇的可貴之處！
--
又黎 "死佬日記"
Annie 於 2008-08-06 15:25
今日死佬日記re-run, 竟然第一場就俾颱風影响。
吾錯的一個劇本，盡道男女之別。comment 亦吾錯。
長實 vs 微軟 ... 用股票型容男士牀事... 笑到死
--
死佬日記+男磨坊
烈詩 於 2008-08-06 16:31
我在這兩天做了一些我這十年都唔會做的事.
就係一次過買左兩套舞台劇的票.
兩套都係自己想睇很久的票.
死佬日記一月睇的時候.就平淡一點.因為根本無咩人知...無人like睇舞台劇,那時我只係提下想睇舞台劇.0的人名字都未知.就話唔會睇...唉...平淡.
不過今次就好好多了.因為我見到多左好多宣傳,我自己都係一個好好的宣傳工具.
--
話劇「死佬日記」
MILK 於 2008-08-06 16:36
有d朋友都知道我幾喜歡睇話劇，因為幾鍾意睇人地既即場反應同表現，能唔能投入角色係好難既一件事，仲要係比到現場觀眾反應，真係好正，呢幾日就有一個歐錦棠演出既「死佬日記」上次無機會睇到，今次一知道演出時間既刻同嘭嘭聲打比我既話劇腳友「呀劉」，買飛棒吓棠哥場，雖然仲未睇，但係都知道幾唔錯架，有興趣睇既朋友睇吓仲有無飛吖。
睇個poster都知道勁攪笑啦....
回應
王穎 - 多功能美女 2008-08-14 16:12
我都想睇～
MILK 2008-08-14 23:23
應該仲有飛既，去睇吓有冇... http://www.caveman.com.hk/
brtspec 2008-08-09 10:38
if see $100 is good ?
MILK 2008-08-09 11:56
無所謂啦，最緊要睇得開心
brtspec 2008-08-07 11:08
looks very jan wor .....
MILK 2008-08-07 12:26
係好咩咁正！去睇吓有冇飛啦，唔好睇搵我，賠錢加請食杯麵...hahaha
快手强 2008-08-07 02:51
包你唔會後悔，今年1月我已睇過，勁正，而家重演有啲更新，再睇，原本6號晚睇首映，因打風改下星期，你會唔會帶埋另一半睇呢。
MILK 2008-08-07 10:55
哈哈....我都無另一半，想帶都無！灰！但係好彩我d睇話劇腳友都係女仔都唔使咁Dry...hehe，我好少何帶仔去睇話劇....hahaha，話時話上次都知道正架啦，但係後知後覺，睇唔到，今次就算打風落雨，行雷閃電都一定到場睇架啦....必睇既決心！
--
<<死佬日記>> ... Good ar ~
小二 於 2008-08-09 23:21
8月1日看了<<喝彩>> ... 今次已經係第二次看了，各方面都好好 ... 但係可能係5th run 的頭場，所以D音響時大聲時細聲、時無聲 ... 激死... 有D失望lor ...
8月3日看了 <<曼珠沙華>>，初時都驚會悶，但係劉雅麗演譯得梅艷芳D歌好好！我仲見到D四、五十歲ke uncle/auntie 郁身郁勢，不知聽得幾頭入！潘生覺得 <<曼珠沙華>> 好過 <<喝彩>> wor ... 但係我完全 .... o吾 . 同 . 意! <<喝彩>>再run會再買飛!
今晚不抱期望去看 <<死佬日記>>，但係它竟然係今期看ke畫劇之中，最好ke一套 (如果吾係<<喝彩>> D音響有問題的話 ... )！區錦棠用低死ke方法，演譯到男女之間ke思想差異、行為差異 ... "與其話男人係 x 街，不如話男人係同女人o吾一樣 ..." 好好笑、值得思考 ... 等我看看我係咪同潘生gum吾同先 ~
--
今日去左睇舞台劇死佬日記，雖然得一千人多D，但氣氛十分高漲，全劇得歐錦棠一個演員，但沒有半點冷場，全劇都係講男女之間的分別，有性格、習慣同思想等，睇左大約一小時四十分鐘，笑足每分每秒，散場後每人都係笑住走，如果大家想去睇就快D買飛啦，因為剛加開一場吖﹗
--
死佬日記 (09/08/2008)
豆豆妹 於 2008-08-10 01:28
今日我long week...
我放咗工就返屋企,食少少嘢就瞓...
瞓醒咗就預備出去睇"死佬日記"...
點知等咗好耐都唔見伯賴仁...
原來佢喺場館到等我...
我就係入口到等...
好彩佢都識出嚟揾番我啫...
因為我之前未睇過歐錦棠嘅劇...
所以就冇抱啲咩心態入場...
但係出嚟嘅結果,我真係超鐘意...
死佬日記 - 係百老匯最長壽棟篤笑~!
裡面講述男人同女人嘅唔同/分別~
就好似我之前睇過嘅一本書 - 男女大不同一樣...
其實真係好切身處地喺自己身邊發生...
我真係睇得好投入、好開心~
當中有好多好多佢所講嘅嘢就好似身邊嘅人咁...
其中有一樣嘢就係"男人有時會呆坐咗喺度,但係當你叫佢嘅時候係冇反應..."
呢個就係男人喇~原來每個男人都係咁~
呢個show唔覺唔覺又兩個鐘...係冇break0架~
但係超開心、超興奮..
我仲喺入場前見到eric同佢女友sandy "tim"...
原來佢哋都啱0架喎~
--
今日八月九日已相約左朋友一起去理大的綜藝館睇歐錦棠演繹棟篤笑"死佬日記",因為6號那天打風關係, 所以今天我們睇的就變成首演,
睇左後覺得好好睇, 而且劇來的描寫更清楚地表達現在的男性及女性之間的分別, 這是一場好應該去睇的片.
--
死佬日記-- 看後感
棉 於 2008-08-10 02:50
期待已久, 今天終於看了<死佬日記>, 一套小弟認為很適合所有成年人看的舞台劇。因為不論任何身份、背景、學識、工作的人, 都要面對同一個課題----- 男女關係。
為什麼男女彼此間易有磨擦? 男與女的性格特徵有甚麼不同? 這些答案一一可以在<死佬日記>找到! 身旁的一對情侶, 整個劇也拍爛手掌, 看完後更加看見他們會心微笑, 可見他們從<死佬日記>中也得到了一些啟示呢!
很同意死佬絕大部分對男女性格的分析, 相信演出前經過多番資料搜集, 值得一讚。
男人是狩獵者, 定下獵物後, 務求一擊即中。 女人是收集者, 善於收集任何東西。
男人對一件事很專注的時候, 女人會因此而認為你不專重她。
男人之間的感情很微妙, 沒有太多說話, 不重細節, 又或是以夾雜粗口的對白來表達彼此的友誼。女人之間的感情重視細節, 喜歡互相讚賞, 交換情報。
看畢此劇, 實在有一點共鳴, 其實男女間是兩種完全不同的生物, 一些你認為理所當然的事, 對方卻不是這樣想, 但不代表你錯, 只是大家角度不同。如果可以理解多些男女性格上的特徵, 多些從對方的角度出發, 磨擦自然會減少一點點......(始終很難沒有磨擦呢!!)。
還有看過死佬的網誌, 其中一篇關於相處, 很有意思, 希望分享一下, 望死佬不要介意小弟轉貼:
「兩個人要一起生活的大前提，不消說一定是關懷和妥協，第一點最淺顯，沒有了關懷就沒資格談情說愛。關懷，始於溝通。至於說妥協，並非等如遷就，遷就代表着一味的容忍、到死忍、最後到強忍的單程路，完全是一面倒的陪伴式相處方法，日積月累下來，自己的應有個人權利，在相處間的空間內將會被剝削殆盡。妥協，就是給對方適當空間去自我發揮，而自己退守二線。」
本來今天是第二場, 但第一場因8號風球關係而取消, 所以今天變成首場。儘管如此, 歐錦棠的演出還是無懈可擊。對於他, 小弟最深刻的是<今日睇真D>及<食神>, 還有最近的<同事三分親>, 今次是第一次看他現場演出。 一個人演出整個show而沒有悶場, 還有帶動現場的氣氛, 實在厲害得很!
可以說, 很難有另一位演員比他更「死佬」。
回應
JenJenBu 2008-08-12 00:37
Haha...這兩天...Chris引用了不少"阿勇少"所說的..."我係狩獵者o來架咋".....真的很想...."打爆他的頭"~~~~
棉 2008-08-12 01:30
haha, 睇黎你地學識唔少野喎, 好彩我覺得o岩你地睇, 叫埋你地去~
史堤芬AU 2008-08-10 17:19
Cotton,
多謝你對本劇的喜愛及讚賞，還要繼續努力呀！
棉 2008-08-11 00:52
祝你越演越有, 場場爆滿~
--
死佬日記@9/8/08
CaRRiE 於 2008-08-10 13:33
夜晚約埋Ada同埋佢老公仔去麻布茶坊食晚飯...由於唔係太肚餓, 就食左少少野+雪糕...heehee...後補我個晩餐相---雪糕
準時去到理工會合埋ada朋友們睇死佬日記... 一套男仕女仕都好有共嗚既舞台劇... 男女大不同....真係好好笑, 絕對推介男男女女去睇下..包你笑到傻左...因為佢講d野簡單易明...哈哈... 佢講野好update to date!!! keekee
最後歐錦棠唱情歌比佢老婆個度好sweettttttt呀~ 原來因為台風關係, 我地呢場係佢Re-run之後既首演黎架!!!
评论
CaRRiE 2008-08-11 13:31
你又唔同我講你想睇...哈哈!!! 佢加左場, 你睇下仲有無飛la...真係好睇呀~~~
Cherry 2008-08-10 23:17
死婆
你去睇 "死佬日記" 都唔叫我??!!
我都好想睇呀!!
--
本來不是看首場演出,但因為北冕8號的關係,所以我們看了首場.............
沒估到現在的身體狀況,八級的樓梯(好像)足以令我難以應付..........
第一次看歐錦棠的舞台獨腳戲,不錯的演出............
守獵者vs收集者 (不知有冇記錯...呵呵呵)
--
2008.08.08-10
木登 - 黃嘉虹 於 2008-08-10 22:46
歐錦棠的<死佬日記> 不太差，
但說好好睇又不是，
男女之間的不同，但他的比喻有時還蠻好笑的。
--
《死佬日記》
小菠蘿昕 於 2008-08-11 08:26
上一次原本打算一月時看這個的，但因為一些人一些事，忘記了買飛，錯失了．今次跟大菠蘿一起去看，真的有著很多感覺～覺得我可以跟自己愛的男人一同這麼多年，真的很幸福！多謝你！！
《死佬日記》是百老匯最長壽楝篤笑中文版本，死佬代言人歐錦棠獨挑大樑，為你解構兩性關係，風趣抵死。曾移師加拿大演出，令觀眾笑穿肚皮，掌聲不絕！今次載譽重演，是夏日消暑佳品！
楝篤笑中死佬代言人告知我們大大小小形形式式的男女溝通問題～好鬼正囉！！超到肉！！
點解男人不做家務？
點解男人不多說話？
點解男人不愛 shopping？等等的問題，一一為我們開解．
男人是狩獵者？女人是收集者？又好似幾正確喎！！
有人話，看完這個《死佬日記》的人都會手拉手地走，很開心的．我都幾認同！因為我們都是．哈哈！^0^
男與女的身心大不同，又如何？只要好好溝通就一定可以生活得愉快呢！
回應
Cathy 2008-08-17 20:51
看了, 真的很正呀!
小菠蘿昕 2008-08-17 22:13
一定不可以錯過！
Cathy 2008-08-13 00:44
我都因某些原因, miss了一月那場, 所以, 今次會去看15/8那場呀!
小菠蘿昕 2008-08-13 13:37
Enjoy the show!! It is really great!
Dont miss any moment!
Joey 2008-08-12 14:22
我一月時已看了，十分出色！給我們很多空間去想一想與另一半相處的問題.
小菠蘿昕 2008-08-12 20:56
我都係因為這個原因而去睇的！！
停機坪 2008-08-11 21:39
其實我都想睇....但係........冇人同, 唔想自己去.....
小菠蘿昕 2008-08-11 23:53
我時常會去睇，下次可以一起（如果你有興趣）
★RiRi★ 2008-08-11 09:23
我有寫blog吖，在我的新blog，我搬咗去sina吖麻，你都去留過言架。= =
小菠蘿昕 2008-08-11 13:15
好似有些印象......人老啦. 不好意思.
可否再給我條link 呢?
--
愛上舞台剧 ---‘蔓珠莎华’‘死佬日记’
小魚 於 2008-08-11 14:58
想睇‘死佬日记’因为‘同事三分亲’，想知道武几勇变成原始人会有几搞笑。
想睇‘蔓珠莎华’因为梅姐的离开到现在都还依依不舍她的影子。
最后同小寶决定一不做二不休就睇两场啦!!
话时话，我好似未睇过舞台剧喔，又有新嘢玩，由小寶订票开始就开心、期待ing...
8月9日香港理工大学赛马会，第二次来这个地方，第一次是小寶年初的毕业典礼
5:30先睇‘蔓珠莎华’----劉雅麗
以梅艳芳一生作背景，由她小时候在荔园演唱，出道成为歌手，走红，感情道路及再生，用梅姐的经典名曲演绎她的一生路程。
对于劉雅麗，最深刻的就是‘我和春天有個约会’的小蝶，她的歌声中有种独特的韵味，沙哑中带点磁性，比起现在样貌标致，但只能唱出鸡仔声的偶像派歌手，劉雅麗却是更能吸引我的实力歌手。
梅艳芳生前是香港乐坛的大姐大，应该无人有异议，就算她离开后，暂时也无人能代替她的地位，是因为她的性格豪爽落落大方，百变形象，令观众觉得毫不做作，无论是歌手或演员真性情才能吸引观众的眼球。歌曲方面应该感谢当时的作曲作词人，简单的乐曲简单的歌词，却能表达很深的意义，每句都能朗朗上口，深入人心，现在的流行曲要不就听不明，要不就小题大做，词不达意，这就是很多人都觉得老歌比较好听的原因吧。
劉雅麗演绎梅艳芳，声线十分接近，再用梅姐每个经典的形象，用梅姐内心的说话作读白，加上首首经典名曲，当我坐在场上观赏这套舞台剧，就好像再重温一次梅姐的一生，梅姐重现的感觉令我不时想起她离世一刻的伤感，劉雅麗却实能演活的另一个梅艳芳。
每首经典的金曲我都耳熟能详，这和我的年龄没有多大的关系，很多朋友都不解我会喜欢一些比我还大的歌曲，其实只要好听，管它是什么年代的呢？
最遗憾的是，梅艳芳在她最后一场演唱会，最后一首站在舞台上唱的歌‘珍惜再会时’，这舞台剧竟然也没有编排在内，如果也同样用这首歌做这舞台剧的结束，应该会更加理想。
睇完‘蔓珠莎华’接着再睇‘死佬日记’，由沉重的心情变番开心，不然怕夜晚会瞓唔着吖
8:30再睇‘死佬日记’---欧锦棠
把朋友惹生气了他们会叫我‘死小魚’，我会说：请去掉‘死’字。将魚妈惹生气，她也会毫不客气叫我‘死女包’，我就会嬉皮笑脸说：不要加‘死’字。死佬要改这样一個名，应该是想把自己先狂踩一番，于是别人再也不忍心打‘落水狗’了吧。我要活学活用，下次当朋友或魚妈快要生气的时候，我应该说：谁叫我是‘死小魚’/‘死女包’呢!!哈哈哈
‘死佬’这個名毫无疑问很有绰頭，再加上某天的旺角闹市中出现那位原始野人先生，若不是有大大隻的宣传字句，我在街頭看到这样造型的人，只会觉得他是洪老前辈D弟子，
《同事三分亲》已经有前天大结局，为了将会告别‘格仔勇’，点知又在‘死佬’中见到‘格仔棠’出现，格仔衫就系阿棠最深刻嘅标志形象!!
开场系一段阿棠同老婆阿敏(Phy Phy)嘅经典生活片段，系屋企争电视遥控，争厕所，但绝对唔会争做家务，陪老婆行街行到瞓着觉等等，越平凡的生活越能引起各人的共鸣。。。男人就是这么不解温柔!!
阿棠一出场，老婆阿敏已经离家出走，之后死佬就一支公讲足個半鐘，劲!!，点解男人唔鐘意做家务？唔系唔做，只不过要讲完数先做啫。既然女性一日要讲七千字，男人只讲二千字，咁就建议阿敏用多出来的五千字讲到所有的家务由阿棠一力承担，哇哈哈哈
‘长实’同‘微软’真系笑爆肚!仲有果对冻冰冰嘅脚同揽住瞓，无得顶!! 爆笑得来又不失温馨喔!真系笑到眼泪都出吖!!你系得嘅!!
睇完個半鐘‘死佬’真情剖白之后，多多少少都开始了解身边嘅‘死佬’，亦慢慢觉得原来死佬并唔系一个贬义词，反而觉得有点親切添!!
睇完‘死佬日记’仲有意外收获吖!原来斯敏都有到场吖，散场嘅时候又俾小魚咁好彩撞到正喔，梗系唔好错过机会啦，斯敏小姐可唔可以同我影张相吖!!
不过斯敏话佢未化妆唔够靓喔，咁我整细小小啦，哩D叫朦胧美吖!反正小魚都是頭发蓬松失礼晒!哈哈!!
回應
Cathy 2008-08-20 00:11
我都有睇死佬呀! 你就好啦! 碰到斯敏!
小魚 2008-08-20 01:16
斯敏好好人，又好可爱
我问佢：可唔可以同妳影张相吖!
斯敏第一时间：我无化妆喔!!
我心諗：唔化妆都已经好靓啦!!化咗妆我咪变咗隻醜小鸭同天使影相!!
小敏 2008-08-15 09:42
that '土人' 好好笑。。。
我好懷念梅艷芳的歌聲
小魚 2008-08-15 13:03
土人+死佬!!一绝!!
--
死佬日記
watsnake 於 2008-08-13 00:40
歐錦棠的個人 Show
一段時候沒看"春天" 的製作, 因為高志森太商業化了, 奈何他成功?
一個晚晚和你"同事三蚊雞" 的演員, 不算俊朗, 又年紀不少, 有多少機會獨擔大樑? 一個好演員可能就淹沒在世俗間只看外表不看內涵的洪流裏, 一個獨角戲, 沒有其他對手交戲, 又要控制氣氛, 基本上沒有真正冷場, 是一個好好的表演。
很新的導演名字李慧心, 一個大膽新穎的嘗試, 日常的鎖事, 刻劃細緻, 敏感的題材, 配合得宜。
整體很出色, GOOD SHOW, 只是部份對白粗瀆不雅, 年紀太細的朋友不宜。
回應
史堤芬AU 2008-08-13 01:54
Thankyou for coming!
我從不會被所謂洪流淹沒，因為.........我冇落到水嘛( 你睇我話劇少了)
多謝提供photo,我先知上層觀眾的視野‧
watsnake 2008-08-13 02:05
不算少了, 棠哥! 多謝你支持我個 Blog, 十二怒漢, 劍雪浮生, 細鳳, 大刀王五, 夢斷維港..... 講時講, 我地見過幾面, 不過見斯敏多, 我曾在旺角間"金x"相舖做事, 影相亞權常常來? 斯敏來取相多, 仲有一個朋友仔叫謝 x 豪呢? 唔係"君豪", 細生仔二十多歲, 同你合作過做舞台劇? 世界細少嗎?
--
<死佬>再現!!
大頭妹 於 2008-08-13 21:52
打大赤(啦)
死佬同清潔工人傾計
haha死佬搭地鐵
識唔識買飛啊!!
美女與...原人
歐錦棠<死佬>現身旺角西洋菜街...
一直都好想post 呢d相上唻但...趁死佬依家開梗埸响到話吓佢先.果日真係熱到都唔知幾多度,一個歐錦棠現身旺角已經多人望仲要係一個着住原始人嘅衫唔着鞋响旺角四圍遊 哈哈 點會唔多人望啊!
果日我係負責幫佢影相,影吓,影吓實在太多人圍佢啦將我迫咗出唻 哈哈 咁我咪唯有派傳單有位先再影佢low<死佬>你好受歡迎啊
噚晚睇多次<死佬>比上一次多咗 d 嘢,呢套真係好啱情侶一齊睇講男與女嘅差別女嘅會咁做點解男嘅就唔會,仲有d 低死嘅演繹......我唔講咁多啦未睇嘅就快 d 去買飛啦 15,17號!!!
--
死佬日記- GOOD SHOW
白痴而幸福的多多 於 2008-08-13 13:01
死佬日記
主題係講男同女的不同
作為一個似男人既女人，原來男女都真係有好多諗野既方法都唔同的...
^^ 雖然各有不同，但卻需要互相補足
上主天主說：「人單獨不好，我要給他造個與他相稱的助手。」
上主天主用塵土造了各種野獸和天空中的各種飛鳥，都引到人面前，看他怎樣起名；凡人給生物起的名字，就成了那生物的名字。
人遂給各種畜牲、天空中的各種飛鳥和各種野獸起了名字；但他沒有找著一個與自己相稱的助手。
上主天主遂使人熟睡，當他睡著了，就取出了他的一根肋骨，再用肉補滿原處。
然後上主天主用那由人取來的肋骨，形成了一個女人，引她到人前，
遂說：「這才真是我的親骨肉，她應稱為「女人，」因為是由男人取出的。」
為此人應離開自己的父母，依附自己的妻子，二人成為一體。
當時，男女二人都赤身露體，並不害羞。
真係好好笑
邊個話睇個人SHOW一定係黃子華，林海峰同詹端文架？
歐錦棠 都一樣好好笑呢
睇完了解你多左好多呢......
回應
白痴而幸福的多多 2008-08-14 13:22
真係幾好睇
仲有TICKET呀
快D去買
^^
拜神仔 2008-08-14 12:01
識貨喎, 歐錦棠真係幾好笑, 佢係幾有幽默感既人!~
--
歐錦棠，或許武紀勇大家會熟悉一點
實不相暪，小時候已經很喜歡他
第一套看他的演出，是ATV的"Q表姐"
他飾演一名教師，是男主角呢
不過最喜歡的是"法網依人"內情深的私家偵探
同事3分親入面的小男人，也十分出色
早在第一次公演時已想看，不過沒有時間買票
難得今次在Tom Lee見到，便買票入場
這套棟篤笑，探討了男女大不同，為男士平反
當中歐錦棠的身體語言表達十分精彩
緊貼時事的笑料很到肉
每次看不同的棟篤笑也有不同的得著
今次提及9月的立法局選舉，當中提及九龍西的候選人很爆笑
帶著一點點意思回家
不過棟篤笑，我還是喜歡黃子華多一點!
回應
•°♡°•QQ黃師奶•°♡°• 2008-08-15 22:11
oh, 你都睇咗啦, 我o黎緊星期日會去睇啦, 期待中
寧靜雪 2008-08-15 13:42
歐錦棠，好戲唔錯..唔錯...
ღV & Mღ 2008-08-15 09:46
ee...........無聽過有呢個show既???
ღ卡文媽咪 2008-08-15 09:32
其實歐錦棠一D唔差架！
鈴目 2008-08-15 00:06
歐錦棠，一個好戲之人！！
B の家 2008-08-14 18:27
我知歐錦棠有做開舞台劇, 但估唔到佢連棟篤笑都識!!
同你一樣, 如果要睇棟篤笑, 首選一定係黃子華,
美指 2008-08-14 18:09
武紀勇o既棟篤笑? 佢有無扮李小龍ar??
ii 2008-08-14 23:10
no
保齡世界 2008-08-14 17:44
kalvin都鍾意黃子華架, 有d人仲話佢似添呀
Miss Cheese Cake 2008-08-14 17:38
唔緊要,有得笑都好啦~
小吉吉 2008-08-14 15:58
值得一睇嗎
ii 2008-08-14 17:22
ok ga
白威 2008-08-14 15:43
佢做小人物既角色真係好出色
Sweet Panda 2008-08-14 14:48
武紀勇呢個角色, 歐錦棠做得幾好 ~ ~
天使與惡魔 2008-08-14 14:42
歐錦棠...做 "同事三分親" 角色都不錯啊!
黃子華搞笑d...不用做動作...講故仔己經搞笑啊!!
DANNY SUMMER 2008-08-14 14:39
tks for yr sharing
Natalie & Gary 2008-08-14 14:22
佢做"武紀勇"個角色做得好正!
akimotoayumi 2008-08-14 11:28
歐錦棠我就冇睇過啦,
不過黃子華我就睇過一次真係好好睇呀.....
阿三 2008-08-14 10:57
我都有看ar , 不錯
Kuromi B 2008-08-14 10:34
我有日係大會堂見到介紹，好唔好睇??
--
掂 ~ 好好笑之餘 , 又講到男同女相處既問題 , 一針見血 , 近期極力推介既話劇 , 想明白男女大不同既人 , 真係要入場睇一睇喇 !
我都明白左我老公又多少少喇 ! 哈哈 ~
--
近況
miakaobana 於 2008-08-14 03:13
星期三晚去了看死佬日記
因為是翻譯百老匯名作
所以特意地留意字幕的文字及動向
有些話題稍嫌悶了一點
不過也不能要求完全像棟篤笑
有不定時爆肚和大量各式笑料
不少笑位是之前已聽過的
但對翻炒
仍是忍俊不禁
說來
好久未看過話劇了
對上一次是三年前的秘魯詩人聶魯達
再上一次是五年前的Lord of the Thing
再上一次．．．
大一二的時候吧
其實
演奏會
歌/舞/話劇
也是有錢有閒才能去享受
我就是同時沒有這兩樣
噢
奈何~~
--
死佬日記
Psycho 於 2008-08-14 09:33
I went to the show last night. It's a good show from Au Kam Tung. It's focus on the sex different and their conflict. Interesting show! However, there is lots of foul language in the show. Good for folks over 18...
Support!
--
相片轉載自http://www.stephenau.com/index_2.html
昨晚去看舞台劇《死佬日記》，歐錦棠的
好正好好睇好好笑，個半小時，笑到喊…令人發笑的同時可以學到相處之道，比一些純粹棟篤笑更有意思。
之前錯過了賴聲川來港演出的劇，一直想找些好看的話劇、舞台劇來看，昨晚看完一場，想搵更多劇看
總之…睇舞台劇、話劇好過睇戲呀！學生買票真係好抵好抵
--
死佬日記 戰利品！
MILK 於 2008-08-16 00:43
好少可我睇一個舞台劇會令到自己咁嘈，今晚睇左個「死佬日記」真係幾到肉，雖然我無女朋友，但都笑到碌地，我諗有女朋友的話就肯定更大既同感，另一樣就係散場謝幕既時候就令到我鬼咁大膽，你地睇到下面條「老底」就知，係每晚散場時區錦棠都會送出係「死佬」入面既老底，我唔知乜鬼野舉手話要，又唔知做乜鬼話啱著，唔知係咪七月節關係，上左身....hahahaha，咁就同棠哥手上拎左「老底」番黎，成為我係呢個舞台劇既「戰利品」，但呢條老底一d都唔簡單，係有棠哥既親筆畫，都畫得好靚架，公仔拍得住我劃...hahaha，BTW呢一套「死佬日記」真係非常之唔錯，有機會可以一睇再睇！
回應
Secret T2008-08-21 21:46
奶哥哥，你已經成為我的Blog友啦! 數字俱樂部主持人上
MILK2008-08-22 00:52
哈哈哈.....你都成為我Blog友同訂閱啦，數字俱樂部盟主....hahahaa
快手强2008-08-17 01:47
前幾日我帶咗幾個朋友去睇(包括我太座)，個個都笑到PK，尤其阿棠講男人個個都係PK時，我其中一個朋友同你一樣咁大胆舉手，都攞咗條老底，不過佢用唔到，點解就自己仲啦！
MILK2008-08-17 12:15
hahaha...我都唔會用，留念麻...但真係好好笑，多謝推介！
傻KaKa2008-08-16 19:50
一定支持...........
MILK2008-08-17 12:15
brtspec2008-08-16 10:16hahahhaahhaa
MILK2008-08-16 10:34
你有咁多女朋友應該去睇吓，你會好身同感受...hahaha
--
《死佬日記》
天使心 於 2008-08-16 02:42
今天去了看《死佬日記》，超正、超稿笑……
其實之前從沒有想過去看的，或許是因為那宣傳單張上寫著『百老滙最長壽的棟篤笑』，心想都不是甚麼原創作品，所以在今年年初上演時，並沒有去看……後來在網上都看到有很多人讚這套劇很好看，身邊有朋友看過也推薦我去看，於是這次重演，便去了看！座在第六行去看，很有逼感……
坐在觀眾席上欣賞，發現內容都很香港地道，主要講述男性同女性之間的思維分別，同一件事情上，男同女的想法都大有不同，相信他們在演出前一定是經過多番的資料搜集！很喜歡阿棠形容『男人是狩獵者，定下獵物後，務求一擊即中。女人是收集者，善於收集任何東西……』、『男人之間的感情很微妙，沒有太多說話，不重細節，又或是以夾雜粗口的對白來表達彼此的友誼。女人之間的感情重視細節，喜歡互相讚賞，交換情報……』
看完此劇，覺得很有共鳴，其實男女本身是兩種完全不同的生物，一些男性覺得是理所當然的事情，其實女性並不是這樣認為。這並不代表誰對誰錯，只是彼此立場不同罷了！不過看罷此劇，對本身患有婚姻恐懼症的我來說，更害怕結婚了……
綜觀整個演出，全場笑位超多，但我覺得女性觀眾的笑聲及掌聲遠超過男性觀眾，或許阿棠的笑話較適合女性觀眾，又或許正如阿棠所說，男性的所有說話，是在『心中』！(不過我覺得最好笑的，是一開始播的那段片中，阿棠在污衣欏中找『臭味』較小的衣服來穿的一幕)
不過整個show有一點美中不足的地方是，本來8:15開始，但最後差不多成8:35才開始，當然觀眾遲到也是主因之一，但我總覺得我們要教導做觀眾的，『守時』的重要！
--
死佬日記
Sh@ron 於 2008-08-16 09:19
噚晚去左理工睇歐錦棠主演既楝篤笑, 由於佢題材吸引, 主要講男女大不同
主題係: 所有男人係女人心目中都係~~ 死PK
內容
為什麽男人總是不做家務?
為什麽男人總是聯群結黨?
為什麽男人總是不愛說心事?
…………
男人和女人心理大剖析!
男人的野人行為，由上古遺傳至今，
他們是野蠻粗魯沒情感自私大男人的生物，還是赤子之心經常犯着無心之失?
哈哈....2hrs 無悶場, 非常爆笑~~~
完場同Terry討論番, 我地2個都好認同; 但唔代表我會認同因為男人本身就係大男人.......等等而妥協
--
死佬日記
bigfish 於 2008-08-16 11:46
近年越來越多獨腳戲，又或說Talk Show。個人而言對Talk Show的興趣近乎零，反而獨腳戲的興趣卻越來越濃。主因在一個人要演一個多小時，實在不容易。
今次到歐錦棠，這個人在電視上已留意了很久，後知道原來他也有演舞台劇。早在第一演時已想看，但那段時間忙著自己的舞蹈演出排練而錯過了。今次再演，差一點又因為奧運而錯過，幸好最後仍能看到。
《死佬日記》講的不單是男人的事，而是兩性的事。男女大不同，是長久以來一直深信的課題。無論在思考模式，行為，反應等都有明顯的分別，這些分別讓女的覺得男的討厭，男的覺得女的茶煲。劇中真實的道出兩性的分別，還給予合理的解釋，叫人看得拍案叫絕，點頭稱是。
當中最欣賞的部份是「真心話」。男的那種不用考慮，表面的敷衍與女的那種認真的思考，細心的考慮，形成強烈的對比。男與女的不同，在於男的會看風勢做對自己有利的事，而女的會看情況做認為對的事，而那件事未必對自己有利。
這齣戲真的很好看，很好笑。只剩一場了，有興趣的快點買飛看喇。
[春天舞台製作 -《死佬日記》13 August 2008 8:15pm 香港理工大學賽馬會綜藝館]
--
http://www.caveman.com.hk 了解節目詳情。注意節目內容有成人成份，兒童不宜。
星期三晚，跟太太及姊姊們去了理工大學「賽馬會綜藝館」，看由歐錦棠主演的「死佬日記」。
此演出是改編自Caveman。整個演出是歐錦棠一人的獨腳戲，只有在開演前，其太太Phyllis Man在錄影帶片段中客串出場。
此劇的主旨是「男人不是PK」。歐錦棠的角色就以各式各樣的例子來解釋此論點。整個演出長達1個半小時，歐錦棠除了扮演男人，也會扮女聲及洞穴人的聲音。
此劇有很多討論男女關係的地方，例如說：「男人是獵取者，女人是收集者。現代女人收集東西的方式，就即是Shopping。」
另外，「如果有六個女人在一起，當她們吃完東西之後，誰去拿東西吃？答案是六個女人一起去。換成男人的話，此六人會互相討價還價，再由還價能力最少的人去。」
好笑的地方是歐錦棠在家中煮麵，忽然間古代洞穴人出現，跟他一起吃麵。「我見到他放下二元，原來他想加二元改吃出前一丁。」
其實他在劇中的論點在不同的書本中都已經討論過。不過今次他以戲劇作為媒體，倒是比較新鮮。
演出完結之後，歐錦棠及導演上台接受觀眾的掌聲及喝，之後歐更送了兩條有他親筆簽名的內褲給觀眾。兩人都表示希望此劇可以繼續做下去，所以想觀眾多些向親友宣傳一下。我現在就透過此blog向大家介紹了！
大家可以去：
回應
阿倫太 2008-08-16 15:44
到底是改編劇, 內容不算新穎, 論點在Men from Mars & Women from Venus
一系列書中亦已提過。 不過歐錦棠的演繹不俗, 生動有趣, 一人負責整個演出, 其實不易, 值得支持。
--
死佬日記 vs 四方城
榛子 於 2008-08-17 01:57
http://uk.youtube.com/watch?v=htJgaoq0QeA
噚晚過咗一個好輕鬆嘅FRIDAY NIGHT, 真係多得餃子小姐嘅朋友割愛, 榛子先至得到呢個第二機會去欣賞"死佬日記".... 坦白講, 其實我好少會主動選擇睇棟篤笑, 可能我自己對呢一類以搞笑為題嘅SHOW都有要求, 最基本一定要好笑先得啦, 最怕有D節目唔好笑之餘, 無聊得嚟令我覺得"徙時間"!, 睇戲都係一樣, 最怕就係咁... 不過呢個show真係幾正, 雖然唔係成場笑到死, 但好多位足以令全場拍爛手掌 同埋笑到牙較軟! 歐錦棠真係做得唔錯, 抵讚! 內容搞笑抵死之餘, 仲帶到個MSG俾觀眾, 要諗下消化一下喺呢100分鐘裡面學到嘅嘢, 究竟"男人係咪真係咁仆街呢? 女人又係咪賤娃呢? 哈哈..... 男同女要點樣相處, 或者去明白大家嘅分別呢 ~ 呢一個真係好好嘅課題值得我哋去思考一下
精華片段 on
--
臨時前一晚買飛，去睇尾二場既死佬日記。
唔錯，戀愛同結婚者要睇睇。
單身者可能未必可以咁切身體會。
不過想笑者，都可去睇睇！
--
<<死佬日記>>
...傾城‧之戀... 於 2008-08-17 23:59
剛剛睇完歐錦棠ge~<<死佬日記>>，
估唔到會咁好睇，咁好笑！
我幾乎係笑足全場！
冇唸過歐錦棠都可以咁勁，一個人演繹得咁好！
故事內容又非常切身，男人同女人ge~唔同，原來就係咁！？
由歐錦棠以一個麻甩大男講出嚟，更加令人細味...
而且，拜他所賜，我先知道原來一D男人常用GE~術語原來係咁GE~意思...
「戇九仔」= I WILL SUPPORT YOU ALWAYS...
「唸樣」= YOU ARE MY FRIEND！
「吊你」= YOU ARE REALLY SOMETHING MAN！！
哈哈哈... 太好笑喇！
8月18日仲有最後一場，仲有門票，通利琴行有售。
希望大家都去睇下，而且，係同你另一半睇，
你地盲會更加明白，男人同女人為何咁大分別，
同埋... 如何相處。
P.S. 今晚要多謝蘇菲陪我睇呢套劇，因為如果得我一個睇，太浪費這套精彩我舞台劇了。
而且，等我唔洗自己一個唔可憐。哈哈... 蘇菲你果然係一個「唸樣」... o(^0^)O'"
--
今天大半天都在理工大學渡過。高志森的"春天舞台劇製作"有兩個表演在理工的賽馬會綜藝館舉行，分別是歌舞劇"喝采"及喜劇"死佬日記"。
先說"死佬日記"。
據資料說，"死佬日記(Caveman)"是百老匯長青的棟篤笑表現，曾在30多個國家上演超過7百場。劇作家是Rob
Becker，這是一個關於兩性的喜劇，得到不少劇評很好的評價。"死佬日記"是首次在東南亞演出，劇的主題，佈景和重點都是按照原著，但同時也加入了本地口味，和不知是真還是假的關於表演者的私人生活。
今次演出這劇的演員是藝人歐錦棠。我很少看舞台劇，從來不知道歐原來也是一名舞台劇演員。他給我最深刻的印象是多年前"今日睇真d"的主持和"同事三分親"中的"武紀勇"，卻原來他曾經參與了不少舞台劇的演出。
在"死老日記"中，歐是一個人的獨腳戲演出。歐表現出色，在差不多兩小時的表演裡，可說是甚少冷場。因為劇的主題是關於兩性的問題，觀眾很容易有共鳴。而歐生鬼，詼諧，鬼馬的表演，和惹笑幽默的內容，引來劇院中觀眾們連綿不絕的笑聲。我看的這晚演出，是這劇的第二次重演，但也吸引很多觀眾入場。
我覺得"死老日記"比"男人之虎"和"萬世歌王"好看，而歐錦棠的表現亦較詹瑞文好，我總是嫌詹的演出太過浮誇。若你對"死老日記"有興趣，明晚是重演的最後一場，請趕緊"撲飛"了。不過，我相信它可以三度重演，因為實在是太出色了。
回應
pinocchio 2008-08-18
是故事好嗎？
因為上次看他在closer的演出後，有點保留~
UncleRay 2008-08-19
內容ok，最主要是歐演得不錯。
Yuna 2008-08-18
我只知歐錦棠在2年前演出過"誘心人"，不過錯過了...
今次能與詹瑞文比較，我也想看看~不過只能等三度重演了~
UncleRay 2008-08-19
下次要留意了。
cheez 2008-08-20
看劍雪浮生舞台劇時見過歐的演出，可用淡定來形容，如現在能與大師相比的話，他真是進步了！
UncleRay 2008-08-20
劇本也有點關係。另外是我不太接受詹的表演。
--
死佬日記@20080815
Cathy 於 2008-08-18 00:12
終於看了8月15日的「死佬日記」, 實在期待已久。
歐錦棠一人Show, 兩小時有劇情形式的 talk show, 很考阿棠的功力。但, 當然難他不到, 而且有很好的發揮。兩小時不停引發笑彈, 台上台下打成一片, 男女觀眾會心大笑。台上所講的, 台下觀眾一定會諗: 「佢講緊我呀!」, 又或者望著旁邊的另一半, 以眼神告訴對方:「講緊你呀!」
男與女本來就是甚不相同, 所以兩性相處, 實在是一門大學問。
這個show, 就是透過一個男人遇著太太發脾氣離家出走的故事, 以男人的身份, 解構男女本質、思想、行為、語言等等各方面的差異的show。
男士們, 原來你是天生的「狩獵者」, 所以你的專注力特別強!
女士們, 原來你是天生的「收集者」, 所以你特別喜歡廣泛地收集, 現今叫shopping呀!
原來男人們的粗口, 並不只是粗口那麼簡單, 每句粗口內裡都可以蘊含著兄弟情義?! 真的!
原來女士出現在男士面前, 就是希望得到男士的稱讚?!
要稱讚歐錦棠的, 是他在這個show內, 其實分飾了很多不同的男女角色,十分生動。最喜歡他模仿太太與他的對話。可能很久之前都已經看他的太太演出劇集, 所以覺得他演繹斯敏都演得很似呢!
很開心, 開場的一段片, 是邀請了真正的歐太做女主角。既好笑, 又溫馨!
男與女始終都是不同的, 我們應可探討兩性相處的開心之道, 但大家要否改變? 似乎改不了, 呵呵!
回應
聰媽 2008-08-19 10:54
無期睇 .. 實在感可惜 ~~
希望下次再 run 時 ... 有期啦
Cathy 2008-08-19 23:55
唔知幾時會re-run呢? 都是那句: 看得出, 歐生真的很用心努力演這齣劇呀!
不枉我由Q表姐開始支持他呀! Hee Hee!
--
另一個武紀勇(18 Aug. 2008)
酋長 於 2008-08-18 12:00
http://www.caveman.com.hk
http://www.stephenau.com/update.html
早前經過沙田大會堂，走進去吸收下藝術靈氣。
見到售票處前展出了一張頗滑稽的海報，一個滿面鬍鬚，手持長矛的傢伙，好像一個熟識人物 ~~~ 歷蘇！
於是放下百多大洋，購票進場一看，今晚是加開的，也是 Re-run 的最後一場。
平時見歐錦棠做「同事三分親」的武紀勇已經十分頂癮，估不到真人 Talk Show 更加笑爆咀。
他以男性角度去察看兩性關係，點解兩者永遠互不了解？男女會大不同？
為什麼男人總是不做家務？
為什麼男人總是聯群結黨？
為什麼男人總是不愛說心事？
他們是野蠻粗魯沒情感自私大男人的生物，還是赤子之心經常犯着無心之失？
《死佬日記》就從原始人（Caveman）的角度，解剖男女。
原來追溯至穴人生活時代，男女個性已經遺傳至今，一早已經定下了：
原始世界，男人是狩獵者。鎖定目標便全神貫注，以達到目標而己任。
女人是收集者。以採果採花，以分工合作交換資訊直至滿載而歸。
正因為這樣，女人喜歡 Shopping，興奮得要死；而男人就怕怕了，無目的四圍走，悶爆！
一齣值得心思細看，慢慢淺嘗內容的 Good Show！
--
死佬日記~~
Rex_Chan 於 2008-08-18 12:20
死佬日記~~
正到冇話可說......
可惜今日係最後一場了~~~
很想很想很想再來一場~~~
介紹俾我所有既朋友一齊睇......
點解咁好睇既野冇咩人知~~~~
呀!!!!!!!!!!!!!!!!!
點解香港係M型社會~~~~
呀!!!!!!!!!!!!!!!!!
點解香港政治係咁......我不服氣=-=
我愛孔子........
--
「死佬日記」
牙Lam * 於 2008-08-18 17:35
……
理工大學，真是又大，又舒服!
分甚麼，甚麼樓都搞到一塌糊塗!!!!
之後才去到那個賽馬綜藝館，站了一會再走進場...
哈~~~第七行，正中間位，不前又不後，蠻好的!
當我進去後，不斷地high~~~~魚魚也怕了我!哈...不用怕啦!
!!!我是正常的!!!
之後坐了一會，開場了!
嘿~~~我可以說，這一個舞台劇真的...真的非常超級好看!
由開始到結束的時候...完完全全沒有冷場!哈~~~~Good Good Good!!!
「男人係仆街!」呢一句...真係，令全場共嗚...笑到痴線!
隻手未停過，只因不停地拍手，拍手...
真的很好看!棠哥...超勁的你!你又是我的偶像呢...哈!
看完之後，跟魚魚笑著回大埔。
--
兩性戰爭是永恒的話題，坊間諸如《男女大不同》的書籍長出長有，不愁沒有讀者，因爲兩性之間既相吸又相斥的事實，永遠都存在，永遠也解決不了。
昨晚看話劇《死佬日記》，探討的正是這問題。女人眼中男人常常犯錯，男人眼中女人特別吹毛求疵，因爲遠古洞穴年代男女角色不同，而演化成今日這樣子。男人負責狩獵，鎖定目標之後努力完成任務，所以他們做事專注，目標為本。女人負責採集，因爲目標多樣性，她們四處瀏覽，關心每一個細節。不同的分工衍生出各異的性格，糾紛和誤解往往源于彼此的差異。
歐錦棠一個人的獨腳戲，在舞臺上口若懸河大約兩個小時，顯得駕輕就熟，劇中死佬的性格和《同事三分親》的武紀勇幾乎是一樣的，觀衆似乎不必分辨這到底是百老匯舞臺劇的廣東話版本，還是平時用來送飯的肥皂劇的變體。不過，假如電視肥皂劇能達這樣的水準，就不用擔心流失觀衆了。劇中很多到肉的臺詞引發現場觀衆陣陣會心的笑聲，相信是說到他們的心坎裏去了。歐錦棠在謝幕的時候說，希望大家看這齣戲覺得好笑之餘，離開的時候還能思考一下劇中的内容，在兩性相處的時候有所得著。我覺得，從這個角度衡量，這齣戲相當成功，因為除了娛樂性豐富，劇中值得思考的地方頗多。
男女之間的分別，其實永遠說不完。散場之後，V 對我說，我和她的男女性格似乎倒轉了，怎麽老是我在喋喋不休，她只在聽？（劇中引用了一個研究，說男人平均每天只說二千個字，女人卻能說五千個字。）噢，如果世上的男人和女人都是一個模倒出來的，哪裏還有趣味？
--
死佬日記
KKKit~* 於 2008-08-18 23:28
欣賞了其他劇團的演出
晚上去理工看~死佬日記
歐錦棠的獨角生鬼演出
將兩性關係的分水嶺演得淋漓盡致
男人=狩獵者 女人=收集者 比喻得很貼切
究竟女人是否用理智去處理事情??
這是一門深奧的學問
--
死佬日記 閱後感
Larina 於 2008-08-19 00:04
上周睇"蔓珠莎華"及"喝彩"時，看到"死佬日記"的宣傳短片，知道"死佬日記"加場，姑且睇一個男人如何將生活融入一套話劇當中，重要全劇只得一個演員，點知睇完之後發覺全劇毫無冷場，而且感同身受，同時自己作為一個女人，從來無細心去了解自己的一些習慣，以及一些說話男人和女人所收到的訊息可以是完全相反的，同時，亦令人反思，而且一齣生活喜劇可以令人暫時放鬆心情，拋開緊張的生活，盡情盡力去大笑一下.
最後，阿棠請繼續努力，為我們帶來更多歡笑.
--
早前約好dor dor 和公子一起看'死佬日記', 到買好票後, 烏龍王才發覺自己原來在該星期出外旅行, 以致未能赴會. 幸好得到老死榛子小姐捱義氣接手此票, 並於上周五欣賞了一場精彩絕倫的武紀勇棟篤笑.
可能自己結左婚, 聽到佢講o既好多野都好有共鳴, 所以笑得特別勁, 真係笑到牙絞都痛埋呀.
進場後, 發覺差不多全院滿座. 由開場至完場幾乎是笑不停. 武紀勇歐錦棠在結尾時說希望大家不要笑了就算, 希望大家能帶著一些 '東西' 回去. 此東西者, 並非他送給兩名觀眾的孖煙囪, 而是一些思維和想法.
個場真係整到好似個洞穴咁, 都幾得意.
男女大不同, 男女基本上是兩種完全不同的生物. 男人是狩獵者, 女人是收集者. 大家的思維和行為都截然不同. 究竟兩者相處時該如何自處呢? 以我跟公子相對了九年的光陰來看, 互相諒解和忍讓實在是不二法門, 但有時這些來自火星的怪獸真的會令你無名火起, 相處久了, 你發覺自己對著的這個男人有時是3 歲頑童, 有時是73歲固執老伯, 他們的舉動每每令你哭笑不得, 兩人相處有爭執實在是在所難免. 問題的癥結在於如何去化解. 這些其實都需要一些時間去了解對方才能慢慢得出一套獨門秘方. 俗稱 '禦夫術'
回應
Esther 2008-08-19 15:42
熱切期待呀!
餃子 2008-08-19 16:29
如果我見到就第一時間通知你喇
Esther 2008-08-19 14:43
錯過咗添, 希望有機會睇番啦!
餃子 2008-08-19 15:24
我都係錯左第一次o既演出, 見佢第三度重演所以即刻撲飛.
希望佢會出vcd 喇. 都幾值得睇架.
佢成套野其實係借男人黎踩女人, 所以如果下次佢有個女partner, 一人數一邊o既衰野, 咁應該會仲好睇
--
死佬日記好好睇
烈詩 於 2008-08-19 02:34
我唔知講咩好...
我唔係一個好識講0野的人.只係可以講一個字"好"
我記得他說介紹多一些朋友.唉...我都知道死佬日記好好睇.但係我和朋友..講話想睇舞台劇炸...佢地都未問睇咩,就話唔睇了...
好心...等我講完都好瓜...
香港人對舞台劇都有欠一些動力.用明星就會好一點.我都知道.但變相就貴好多.
你只係用自己的錢請明星過來為你表演一場.都唔係真心like.無用啦...(睇到都還好,睇唔到就唔知點好...)
黃子華的買到山頂位.我都唔知睇唔睇到..唉...
不過一生人點都要睇一次.
--
歐錦棠
live show真係無得彈!
實力非凡呀!
感動觀眾的心思誠意!
死佬我要~~~~~~
ps: 謝謝你的孖煙囪啊! 我係17號晚大叫"我要!!"既細頭
--
Caveman is really good!
Jack SO 於 2008-08-19 14:02
Dear Caveman,
I watched the show last night, it was the best show / drama I have ever watched and would like to watch it again, feel free to email if it really re-run.
Thanx a lot, it is a perfect combination with Mr. Au fantastic performance. I am not sure how good or bad the original actor is. You are really a man who would voice out for us. I am really happy about it. It is good for the relationship between my girlfriend and me.
Best Wishes,
Jack SO
--
星期日和老公看了春天製作, 歐錦棠擔正的話劇. 要說是話劇, 不如說是棟篤笑. 因為全劇只有他一人演出, 而且笑聲此起彼落.
當中好一些笑位, 沒有一同生活過的男女, 是感受不到的. (e.g. 冬天送雪條腳)各個情景當中, 總有一些hint中你的. 一邊看, 一邊不禁看看坐在身邊的另一半, 想說: "咁似講緊你/我既, 你明白晒啦."
套劇的主旨, 都是希望男人多些明白女人, 女人又多些明白男人, 從而互相遷就, 互相體諒, 減少磨擦, 生活得更開心.
咁我現在就會明白, 男人係唔記detail既, 男人係唔使講野既, 男人想東西出神時, 要比d時間佢回魂…
回應
淘淘 2008-08-19 15:56
對~原來有d野真係唔講唔知~
--
原本打了很多字的,但突然停機了~所以不再解說了~
GOOD SHOW~
回應
QQ賭王 2008-08-20 23:19
"男女大不同"~ 哦 ~ 咁我都明少少lu ..
不過見到個 "死佬日記" 既海報真係好鬼抵死 ...
咁你有冇笑餐飽先 ...~
淘淘 2008-08-21 09:09
of course la `我朋友仲笑到流眼水
蘑菇國女皇2008-08-19 22:10
係講咩既呢~~~
淘淘 2008-08-20 10:09
其實好似一本書叫"男女大不同"
講男同女係日常生活同相處唔同既地方~歐錦棠又演得好生鬼~
doris 2008-08-19 16:18
原來同你同一日睇, 坐同一行.
淘淘 2008-08-19 16:53
咁0岩~haha~
--
我的票價:200+郵費+來回船飛+因寄失門票搞左一個下午的時間.睇完後都係覺得值.
看這次舞台劇也是一種緣份..話說上回來香港時，買了雜誌有介紹這劇目，然後在找來澳出演的某一劇目資料時，亦有<<死佬>>的介紹.17號有節目不能來看，又剛好18號有加場.最幸運的是，18號我又放假.HAHA
最欣賞幾點:
1.內容貼身，好到肉.
2.台上台下既互動好正.
3.講出左好多人平時想講又唔會講/唔敢講既野
4.當然唔少得主角夠"舞台".你既表情動作..好生鬼呀.
希望多D人可以睇到這個劇.
如果再重演加場，一定要預埋黎澳門，我一定會黎睇多次.
--
呢個係歐錦棠一人演出既舞台劇，對我來講，號召力並唔係好強，但係魚魚之前睇過，話好好笑，仲極力推介俾我地。
今次<<死佬日記>>重演，地點轉左去賽馬會綜藝館，我同卡比終於都可以欣賞倒啦!!!
佢以喜劇方式表達左男女關係，點解男人好女人會咁唔同，原來係野人時代已經開始左....
呢個劇真係好值得推介，而歐錦棠既演出亦都好精彩，不過我睇果陣難免會將佢同詹瑞文比較，感覺上我比較鍾意歐錦棠，因為有時會覺得詹瑞文做得好誇，又會成日重覆d笑位，唔會見好就收，重覆咁多次，搞到笑位都變左有d悶場law。
希望死佬有機會再重演，到時又可以加返d新原素，好似今次加左奧運傳聖火，最搞笑既日本版既關公變左女人....
p.s. 完場我地仲見倒裘俊(實在係唔知佢既真名，真係唔好意思呀!)，佢仲好nice咁同我地影相同埋握手，真係好呀!!!!
回應
^魚魚^ 2008-08-21 00:38
我睇第二次都唔覺得有悶場~^^
死佬係一套情侶睇完會會心微笑概劇!!我最鐘意歐錦棠扮佢老婆講野!!
*快啲去死佬個BLOG到睇下有冇我地個樣啦!!!
迪、卡比 2008-08-19 23:44
卡比:其實今次係我第一次睇舞台劇，我覺得歐錦棠好勁!成個show個幾鐘都係得佢一個人做，笑位又十足，(我由開場笑到尾無停過啊!)勁啊!
--
死佬日記 Caveman
珍妮 於 2008-08-20 01:54
2008.08.12 (Tue) 8pm - 理工賽馬會綜藝館
因6號8號風球的原故，我們本來看頭場的，變了看尾場。
死佬日記真值得看啊！
雖然文本內的"男女大不同"很多都是耳熟能詳，而且亦講到女性都是超級專橫的。
不過，歐錦棠的演繹很出色，一人分繹男及女，令人捧腹大笑，絕無悶場啊！是很不錯的獨腳戲。
回應
chimmelody2 008-08-22 08:48
我也有看尾場喎
歐錦棠的表現令我喜出望外呢
你係我朋友
但我唔會叫你"x樣"
哈哈哈
--
同歐錦棠做左blog友
doris 於 2008-08-20 13:09
話說寫完 "死佬日記" 篇blog之後, 順便click下有無其他blog友都有看&寫blog. 發現都有好多人大讚好正.
其中有一個blog友, 叫史提芬, 常常出blog講有關死佬的事, 又有獨家野人去旺角做宣傳時的照片,十分厲害, 一定是超級fans.
佢全名叫"史提芬歐", 令人想起史提芬周 (周星馳). 不過網名既野, 係任得你改的.
點知佢回應d blog友時, 是說"多謝大家對我既讚賞!". 換言之, 史提芬歐就是歐錦棠本人了.
其實他在死佬日記謝幕時, 也有提及他最近學人寫blog, 仲叫左個blog友來看.
我立即add左佢做blog友!
--
caveman - 死佬日記@pu
jj 於 2008-08-20 19:37
aug 15, 08同友人嚟睇話劇,多謝友人幫手買飛
場地喺香港理工大學嘅馬會綜藝館auditorium...........話事話,真喺n年無睇過話劇,甚至於已忘記上1齣叫咩名
後記
由8.15pm開始...........先用projector嚟個引言,交待呢個劇同住山洞嘅原始人個掛鈎。之後就喺歐錦棠嘅個人揀篤笑
1入正題,先嚟貶低男人個地位.............."男人正pk(佢哋當然喺直講啦,無用英文簡稱)"...........嗱嗱嗱............唔喺我嘅諗法/心底話嚟架..........我純粹直quote出嚟,千祈唔好對號入座/覺得我含沙射影呀............
之後好多片段都喺用嚟解釋男人同女人嘅不同(同性之間嘅交往模式,消閒活動,話題,着眼點,sex)
1) 男人喺1個狩獵者,少言,不能multi-task,實際,直接,男人嘅語言文化(同老友1開口就喺on x仔,x樣,x...............)
2) 女人喺1個收集者,多言,1心幾用,感性,重細節,窩心說話............
全劇大部份都會牽引到我笑,但未算好絶核,有些部份都引來現場男人嘅大力拍掌(eg男人嘅衣櫃,鞋櫃都喺比女人霸晒, 女人理論時都喺唔講道理)。
最後歐錦棠嚟個wrap up同多謝觀眾支持,呢part就會多d同現場觀眾interact
回應
Princess-M 2008-08-22 01:20
仲有冇得做, 我又想睇, 你都算好介紹勒HEHE
maximus 2008-08-21 13:32
要睇囉
jj 2008-08-21 17:52
男人去睇,驚個感受無女子咁強喎~~~~
Klaire220 2008-08-21 11:42
我想定必很有趣啊...
Norton 2008-08-21 11:26
佢梗係講哂男士o既心聲啦！
jj 2008-08-21 13:27
明白你哋多d囉
沁雪 2008-08-20 23:09
第一!
--
前排同小晴、樑仔一 pair 去睇舞台劇 - 死佬日記，由歐錦棠主演 (其實得佢做 ...) ，雖然卡士麻麻，而且唔係心目中的那些舞台劇，但內容其實都幾有趣。但先旨聲明，我對於佢一分鐘之內講十幾次 "x 街" 有保留，我相信只有 50% 的男士係會咁 (而我絕對係另外的 50%) ，有好多人都寫過、講過男同女有咩分別，得出點解女仔永遠同男仔鬧交。呢套劇基本上都份圍繞著這個話題，不過佢用遠古文明去講：男人天生是搜獵者，而女人天生係收集者。因此，男同女做事同諗法永遠都有分歧，有適合一 d 成日鬧交的情侶去睇。
--
死佬日記(下)有幾好睇…
sammi cafe 於 2008-08-24 01:32
好開心, 同小肥看完死佬日記, 真是比我們預期的, 更加好笑, 可以用笑爆咀, 來形容!我也不時被果d對白及情節引來捧腹大笑!
首先, 說下個劇本先, 以原始人男女為骨幹, 去套用在現代人身上, 也算很合邏輯,解釋得貼切…
跟住是d例子, 我最深刻是: 薯片、揸車問路、讚揚的方式及說性方面的內容, 歐錦棠能把它活靈活現的演繹出來, 嘩! 真係要讚下佢啦, 他能扮不同的聲音及角色, 真是十分抵死、到肉及滑稽, 加上他以流利的粗口去演繹, 及解釋粗口的另外意思, 令在場人士無不拍案叫絕, 我呀…連眼水也流了多次…完場時, 更有一位觀眾以粗口回應(所以話: 香港人不知反應幾快呀!), 歐的回應也很快, 即時讚這位觀眾有思考…
同時, 我也欣賞他在開場, 以對話的形式與觀眾對話, 很互動及大膽, 萬一d觀眾有不良反應, 就不易應付, 不過, 普遍的香港人也是膽怯的, 不懂反駁及回應, 故應該是沒問題, 而且, 他也能帶起全場人的氣氛, 舞台經驗豐富, 表演場地雖然細少, 但感覺大家很close…
我與小肥看完了, 更一起消夜, 一起說下看完劇的看法, 覺得當中也言之有物, 男與女不論在表達自己, 向同性表達的方式及與異性的表達方式亦不同, 真也是值得我們日常多加去留意及反省....
希望<死佬日記>能再重演第三次, 或多次….因為我有d朋友重未睇架…我重會推介比朋友睇….
編劇好野…導演好野…台前幕後好野….歐錦棠好野…
齣劇有幾好睇,你話呢?
--
死佬日記...之后
cAT 於 2008-08-27 00:53
死佬代言人歐錦棠
再次為一眾男士出頭，向女士們宣戰，誓要為全城死佬大翻身
首演不在港錯過了...竟然重演...$100又抵...去去去...好彩有去...真係說足大半場...整個跟生活100%貼近...就是說男女大不同...男人與男人的一套生活文化...女人與女人又是另一套生活文化...但偏偏兩個不同生活文化的人要走在一起...產生的文化差異...真係笑爆咀...
愈看這個劇...愈覺得自己是個男人...(困擾我多年的問題...哈哈...)
不喜歡shopping...有目的才買東西
與朋友相聚...不一定要不停說...嘩啦嘩啦...聚在一起做可以
做小事喜歡講數
不太喜歡收集情報
看電視是真係入左電視裡入...什麼都聽不到
專注行事...少說話
有時不太喜歡問路
歐的演繹真不賴...可以跟詹sir比一比...同樣惹笑氣氛...如再重演我都會睇多次...
--
期待"死老日記"三度公演
Chun Wai Tai 於 2008-09-01
據資料說，"死佬日記(Caveman)"是百老匯長青的棟篤笑表現，曾在30多個國家上演超過7百場。劇作家是Rob Becker，這是一個關於兩性的喜劇，得到不少劇評很好的評價。
"死佬日記"是首次在東南亞演出，劇的主題，佈景和重點都是按照原著，但同時也加入了本地口味，和不知是真還是假的關於表演者的私人生活。今次演出這劇的演員是藝人歐錦棠。
在"死老日記"中，歐是一個人的獨腳戲演出。歐表現出色，在差不多兩小時的表演裡，可說是甚少冷場。因為劇的主題是關於兩性的問題，觀眾很容易有共鳴。而歐生鬼，詼諧，鬼馬的表演，和惹笑幽默的內容，引來劇院中觀眾們連綿不絕的笑聲。
有人說"死老日記"比"男人之虎"和"萬世歌王"好看，而歐錦棠的表現亦較詹瑞文好，總是嫌詹的演出太過浮誇。
我唯有等它三度重演趕緊買票好了。
--
《死佬日記》
hiking 於 2008-09-01 01:00
《死佬日記》(Caveman)完成第二次公演，一月於壽巨首次公演時買不到門票，今次在理大賽馬會綜藝館重演，場地大了，八月尾終於可以入場觀賞歐錦棠的獨腳戲。把百老匯長青棟篤笑搬到香港，在忠於原著及本地化之間如何取得平衡，是入場前最希望欣賞。由原始人生活概念，男性與女性之間的分別是，男性出外狩獵，女性採集野果，伸展至現代人的兩性的性格，再續一解釋男人與女人的行為，為觀眾帶來近兩小時，笑聲掌聲不絕的美好回憶，離場時再反思兩性關系。幕後對劇本本地化工作亦功不可抹，《死佬日記》題材被局限於兩性關性，難度比一般棟篤笑高，他們把酒吧內三、五知己，評足異性的話題融入，搬上舞台，觀眾份外有親切感，歐錦棠演出水準令人喜出望外，對入場觀眾來說，可說值回票價。第二次公演已完結，若果進行第三次演出，值得捧場！
Author: "--"
回應
Bob 2008-09-11 09:52
我覺得歐錦棠係一個好值得欣賞嘅藝人，好幾年前佢扮李小龍已經好評如潮．．．
hiking 2008-09-09 15:01
我在8月17日睇，應該係尾場，因此，一直懶於出post，就當日所見，應該全滿，我估會有第三度公演。
逸民 2008-09-09 14:00
我完全唔知佢有Re-run，錯過了！
--
2008年我做過啲咩?(話劇篇)
Paradise kiss iris 於 2009-01-04 15:35
二零零八年，是我看得話劇最多的一年，香港有心的劇團、演員很多，絕對值得支持！所以，這篇我會選出我心中的TOP 5！
……
首先重溫一下自己看過什麼~~
*奇異訪客 BY 劇場空間
是一個很深的故事，探討有神論和無神論的辯論，對白更是超長、超難記~第一次看歐錦棠做話劇，實力非凡，絕對好睇過電視
……
*死老日記 (tri-run)by 歐錦棠
歐錦棠的抵死獨腳戲~~~值得支持~
……
好啦~~頒獎時間~~~注意！這是一個非傳統的頒獎禮，所以獎項設計完成符合本人的需要而定的！
……
最刮目相看大獎：奇異訪客 歐錦棠 ﹝完全想像不到他做話劇會咁掂！﹞
……
好~~~恭喜各位得獎劇團、演員，期望09年有更多觀眾入場，繼續有更多的好劇！
--
2008年我曾經前往欣賞的舞台劇目總結
min min 剛詞 於 2009-01-16 17:17
2008 年我看了 40 齣舞台劇, 而有些我甚至會同一齣劇目看上數次的喔 !!!
看了 40 齣劇目, 說多說不上 ... 但其實數量並不重要, 最重要是劇場需要觀眾, 而我們身為觀眾的其實也很需要劇場的, 彼此是互動的啦 !!! 大家活在當下很多時候也是一個骨牌的效應, 如果沒有觀眾, 劇團就很難得以生存下去的了, 但願大家彼此一起抱緊那份互動的支持 ; 來年大家一起繼續努力吧!
……
2. 死佬日記 : 很棒 … 歐錦棠很正呀!!!
……
--
===================================================
--
the Caveman show
Robo 於 2008-04-23 07:21
Hi Stephan, I'm from Toronto and am watching the Best Selling Secret up-to-date. I really like you in it... your acting is very good~ So glad that you're coming to Toronto to perform the Caveman show. Looking forward to the show this Sunday!!! ^^ Best of luck!
回應
stephen 於 2008-04-25 23:56
thanks Robo, see ya on Sunday, enjoy the show!
Robo 於 2008-04-26 01:10
See you. I'm sure I will enjoy much~
Btw， HAPPY BIRTHDAY! May all your wishes come true!
Robo 於 2008-04-28 10:42
So glad that you came out from backstage after the show... very happy seeing you today!!! =D
The show was so good and funny... you performed naturally... very well done ar~~~ And the content is so true... my husband kept pointing to me when you described how girls think... ho ho siu~
I guess it was a success in the night show too?! Good luck in the Vancouver show as well!
stephen 於 2008-05-01 12:21
Hi Robo, thankyou so much! the performance in YVR was a GRRRRRREAT success! the audience goes crazy! they really loved it! btw, u didn't introduce yr husband to me that night.
thanks for coming anyway, n take care.
Robo 於 2008-05-02 08:57
Yeah we love the show much! One of the local chinese newspapers here had described your show the next day (I have the digital copy of it, see if you want it). You should come here again in the near future la~ =)
My husband was actually just behind us... he had an important task while you were signing for us - taking photos, haha... sure next time will introduce him to you. He also likes Caveman and Best Selling Secrets (BSS) much lei~
FYI, just see on tv that BSS will be showing on the local chinese tv channel here... so more Toronto people will know you soon.
Lastly, good luck as being the MC in the olympic fire delivery show today in HK.
--
[無題]
Daniel Wong 於 2008-04-30 12:54
good job with your performance in Vancouver, Canada! My family loved it!!
回應
stephen 於 2008-05-01 12:10
So glad u n yr family enjoy the show!but y didn't u come to backstage after the perfomance?
anyways, take care n hope will c u soon, man.
--
與歐錦棠有過一次"交手",是為一個節目配旁白,自問曾經是配音員,技巧不致失禮,但亞棠的反應及技巧絕對淩駕於我!
雖然自己沒有失手,卻對這小子留下深刻印象!
年前歐錦棠應邀來北美洲當華裔小姐選美會大會司儀,他展示了大將之風!
上星期的[死佬日記]教我對他的印象,又大大的加了分!
睇舞台劇,與觀眾是如此的親蜜接觸,如果講的不是"人"話,可以想像有多恐怖,簡直是格格不入,試問觀眾又如何能全程代入欣賞?
時代不同了,劇院的設計,音響的設計讓觀眾能在任何一個座位,.都可以看得見,聽得到,如果演員還把嗓門提高八度,（唯恐最後一排觀眾聽不到.）可以想像有多難過?所以,我要求舞台劇演員,除了身體語言,唸對白的要求更嚴格;除了有感情,有語調,最主要是咬字要清晰,台詞要像是"人"講的話.
亞棠就有這個本事,他的對白,''化''得夠口語化,時間控製得宜,一出塲就能抓住觀眾的耳朵,讓您舒舒服服,自自然然的跟住他進入劇中,一個小時十分鐘的演出,沒有半粒"螺絲"生動流暢.拍爛手掌,正!
散塲後,我忍不住要到後台,摟摟這個偶像,讓我欣賞到這麼精彩的演出,享受一個開心的晚上!
--
===================================================
--
死佬日記
Phy Phy 於 2008-01-17 14:10
這兩天為『死佬日記』進行拍攝工作。可能大家會覺得奇怪，為何一齣舞台劇會有拍攝工作；原因是劇中會播放一條短片，描述夫婦生活，所以《春天劇場》順理成章邀請我客串飾演「死佬」老婆，相當搞笑!
短片由高志森執導，整個過程非常快速，高導演的腦筋轉數快，對所有鏡頭的擺位角度早已胸有成竹，大部份鏡頭都是一take收貨，11個scenes包括室內、室外場景合共在三小時內完成，是我近年遇過最爽手的導演。
這齣舞台劇在百老匯演出超過700場。要取得版權便要依足他們的遊戲規則；譬喻說：海報及單張都要和Broadway演出時的一樣，所以亞棠要send一張照片去美國，由他們的設計師打稿；又必需要有試演場招待城中名人；他們更會派一位負責人從冰島來港審核演出質素是否乎合要求；而這一條短片亦是必需品。
One-man show確實不易演，卻是每個演員都希望得到的挑戰機會。亞棠，努力呀!!
--
武紀勇的綵排
Ryan 於 2008-01-17 23:58
今晚第一次近距離看話劇團的綵排。雖說是話劇, 但今晚的話劇是one man show, 只有歐錦棠一個。言歸正傳, 談談今晚的經歷...
今晚和阿邦初時兩個上到人家話劇團排練的地方, 竟然只有我們兩人!
我和阿邦大為緊張, 擔心只有幾個人看, 然後要我們發表意見...發表意見原不是問題, 但問題是要發表體面而又有深度的問題, 就大問題了...
後來, 工作人員說原來是我們早到, 還好...
再次上去, 排練室也有十來位觀眾, 真好~第一次如此近距離看演員的演出, 感覺很不同, 好玩得多~ 雖然話劇不算是很精采, 但由於經常會和演員有眼神接觸, 感覺就直接得多! 而且, 還是每晚也會看到的"同事三蚊升"的"無鬼用", 三個字, 很好玩!!!
--
戲劇預告1-3月
企鵝七號～TM 於 2008-01-19 22:26
因為藝術節既關係，2-3月一早就plan好節目，再加上1月尾2月頭有好多好劇，果一個星期差不多日日有劇睇。
歐錦棠一直都係個好演員，可能佢不嬲都係做電視，而且角色係小男人居多，所以d人會覺得做咩要入場睇，一個日日打開電視都會見到既人，但岩岩睇完《奇異訪客》，演員o係劇入面既光芒唔係電視可以相比。
--
《死佬日記》(上)
黃明樂 於 2008-01-21 01:43
話劇名叫Caveman，以為純粹諷刺天下男人都是野人一名，不解溫柔；看了翻譯版《死佬日記》總綵排，恍然大悟。
Caveman，即原始人。《死佬日記》就從原始人的角度，解剖男女。原始世界，男人的天職是打獵。鎖定目標全神貫注獵物到手方休，稍一分神就成了他人的囊中物。
女人的天職，是收集。採果採花，著重比較、分辨細節，憑光澤、顏色知優劣，分工合作交換資訊直至滿載而歸。
是以女人特別擅長購物，合用的看，不合用的也看，蒐集資訊過程的一部分也。天職使然，一整天在商場鑽來鑽去面不改容，三姑六婆交流心得，務求覓得心頭好。
收集的訓練，令女人善於同時處理大量瑣碎工作(俗稱Mulit-tasking)，卻永無法專注把一件事情做好。
天職打獵的男人，需要的只是一個目標，另加一個行動，最多再加一個結果——得到獵物或者得不到。所以漫目無的逛街、逛商場都是苦差。 男人的腦，同一時間只可處理一件事。例如打機要過關、踢波要入球、跑馬要贏錢。集中精神時，可以忘記的都忘記，直至事情辦妥，就找下一個目標。
所以男人追看電視時生人勿近，老婆的嘮叨恍如來自外太空。女人認為男人「緊張個電視多過緊張我」，其實在他們心中，兩者不存在比較的問題，只有先後的分別。
綵排室女觀眾多，笑出眼淚。我不禁想，男人甘願為一個目標掏空全副心思，對被追求的女性來說，不是壞事。但任務完成後就會被下一個目標吸引過去，作為女性，寧願得到還是得不到?
--
《死佬日記》(下)
黃明樂 於 2008-01-22 18:15
話劇《死佬日記》從男性角度看兩性之別，題材老掉牙，好看在於它「中point」!
女人用說話來思考，男人先思考再說話。
女人透過交流資訊來充電，男人充電時愛找個靜止的世界掉進去，例如看電視。
女人透過說話聯誼，男人聚會最好不用說話，如踢波、釣魚、飲悶酒睇靚女。專誠相約「聊天」，一定是為了借錢。
男人被邀請出席宴會，腦中思考的是「要不要去? 」女人心想的是﹕「我該穿甚麼去? 湖水綠晚裝闊肩V領又不太低胸暴露，腰帶襯肩帶再襯頭帶，你說好看不?」
男人一歸家，習慣看看最寶貝的東西在不在，例如Hi-Fi或寵物。女人則會把家裏上下裏外都看一遍，確保所有細節完好無缺。
找不着什麼，男人心焦如焚團團轉，女人懶洋洋邊挫指甲邊說﹕「該不會是床下底第三個膠箱旁的紙袋內吧。」全中!
一幫男人吃著薯片看球賽，薯片吃光了，誰也不會主動去添。女人卻會吱吱喳喳拉著裙邊扯著頭髮擁到廚房一起炸薯片，還起勁地交流心得。
男女大不同，不能盡錄。笑得牙骱軟，不及演員最後幾句話教人心有戚戚然﹕「男人想看電視時要勉強騰出耳朵聽女人說話，很痛苦。要女人靜靜陪著男人不語，她說不如不見。兩個人相處很難，男人喜歡勇往直前去打獵，完事了就休息；女人卻擅長在大後方處理細節，終日交流資訊。若能好好配合，兩個人的力量定比一個人強。但箇中蹺妙，好比一場歡愉，要得到那不能言喻的快樂，還得先耗盡每一分力量。」
--
安能辨我是雄雌?
黃明樂 於 2008-01-23 00:24
看罷《死佬日記》，竟有性別認同危機。怎麼劇中所提的女性特徵，自己統統欠奉?
我最怕購物。一件東西用得千瘡百孔、貽笑大方，還是懶得添置新的。終於熬不住，毫不情願地踏進商店，花多眼亂，索性抓著售貨員問有沒有這個色那個款何種功能大概價錢，三、二、一，有定冇? 沒有拉倒。我不介意付款，卻最怕那踏破鐵鞋無覓處的煎熬，費時失事的疲累。
這種心態，很不「女人」。她們都說購物是為了享受蒐羅的過程，和發現新寵的驚喜。平日多逛街，多互相交流，日子有功，像我這般遍尋不獲的倒楣經驗多不到哪裡。
還有收拾家居，不是不做，但可免則免。每段時間完成了一項工作，把物資歸納整理是必須；大時大節大清潔，也無可厚非。但東西未用完便歸位，再用時又勞師動眾拿出來，簡直多此一舉。
做家務，一樣道理。穿了衣服立即洗，是規律；下次穿衣前，才預早一點洗燙好，就不成了? 反正可替換的不多，髒衣服不用等多久。闊佬懶理麼? 總不會蓬頭垢面見人，可見生活還是有基本秩序。
男人駕車走錯路， 據說女人意見多多是大忌。我是天生方向白癡，上了車就任憑司機載到天涯海角，不要問，只要信。迷路了，正好趁機小睡，或按響CD機聽一兩首心水好歌，懶得插口。
唯一吻合劇中提及的女性特徵，是我愛分享感想、幻想、胡思亂想。據統計，男人日說二千字，配額用完了，沉默是金。女人卻平均每日說字七千，有時還不夠。猶幸，咀巴累了，還剩一支筆。
--
《死佬日記》- 歐錦棠
Annie 於 2008-01-23 17:24
今日無聊想搵野睇，無意發現這歐錦棠的《死佬日記》。
自07年4月一次過買左7場舞台劇後，至今好久沒看了。
從前都會耐吾耐一早買定飛同人睇，試過早成半年前買飛 "傾城之戀"，忡吾記得已經買左飛差d買double，好彩個同事提我，因為佢d飛係我同佢一齊買的吧。
以前想買好位就要一早訂定飛，哈，現在...即日買都得啦。
--
死佬日記
jcwong 於 2008-01-25 00:19
改編自百老匯《Caveman》的兩性棟篤喜劇《死佬日記》，歐錦棠所演的中年角色，將為各位男性來一次辯護，以第一身角度訴說男人之苦。
果真搞笑,風趣, 又感動
--
caveman
Calling DIDA 於 2008-01-25 00:52
first night showing
this show was super funny! unexpectedly good!
歐錦棠 actually looks quite good in real person
a few things that he mentioned were very spot on.
very entertaining! 好鬼好笑!
--
死佬日記---歐錦棠
鄧永健(JIM) 於 2008-01-25 02:48
哈哈哈~~~~~
好正呀!!! 好笑呀!!! 好中呀!!!
全都不是捧場說話, 是真心的, 好久沒有試過笑足全場了!!! 真係好好笑, 好笑的不只是他的演繹方, 內容也全中, 只要你/妳結過婚, 拍過拖, 只要你是男人, 只要妳是女人, 也會很有共鳴!!!!!!!!!!
哈哈哈~~
兩性的誤會, 相處, 語言, 天性.........由電視講到上床, 由原始講到現在.........絕對值得入場一看!!
推介之作!!!
有場刊, 有postcard, 仲有支筆作記念!!!
哈哈~~~ 同事真是三分親的!!!
--
[23-01-2008]死佬日記
2008-01-25 09:40:05
呢個藝術中心新上場o既節目，估唔到歐錦棠會做起楝篤笑來，輪媽因為Living Yoga的關係，獲得兩張優先場飛，但係輪媽咁o岩唔得閒，於是慷慨贈予鐵菇，真係多謝晒!
歐錦棠因為拍同事三分親電視劇而人氣彈升，同場亦大部份同劇演員黎撐場喎，有樓華，陸哲，Vincent，彤彤，大言生等等... 我地仲見到鄭丹瑞添，坐佢隔離果位女士好興奮呀，仲即時問佢要簽名添呀，幾威風!
講番個show先，我唔知歐錦棠之前有冇做過類似的show呢，由佢一個人做獨腳戲，雖然有少少吃力，不過都見到佢做到成個show要表達o既主旨，亦有唔少笑位（尤其是粗口部份，哈哈!），整體上都幾滿意佢o既表現，值得一讚!
P.S.個show前後都有yoga公司職員上台賣廣告，真係...
goosiesher 2008-01-25 13:24:05
其實講男女大不同的題材，總係好容易引起觀眾共嗚0既，大家都笑得好開心，尤其是又凍又滑的腳=豆腐花!歐錦棠的表現亦都不錯，飾演呢種為男人平反的角色真係好襯佢!
--
死佬日記
prince_ededward 於 2008-01-25 12:44
昨晚去了壽臣劇場看＜死佬日記＞，
這套齣台劇給我的感覺是不俗。
雖然這齣只是＜同事三蚊斤＞的武紀勇的獨脚戲，
但對白確實精彩，
一人分飾兩角亦維肖維妙，
況且此劇只是一個半小時長，
有時間應該一看。
--
死佬日記
Samuel 於 2008-01-25, 14:15
今日去睇"死佬日記", (原作是美國的Rob Becker 的作品Defending the Caveman),
在買飛前我聽過Caveman的大名, 在美國、歐洲，甚至日本都大獲好評, 所以都非常期待一看。
香港版本是由「春天」制作, 歐錦棠主演. 在此我想說一說我對「春天」的看法, 「春天」是在香港少數可以做到中、大型劇的劇團, 可能是我主觀,
我其實不喜歡看「春天」的制作, 因為每次看他們的改編劇, 都發覺會有頗大的改動,
而且覺得看他們的制作充滿制作電影的手法,缺少了舞台劇的一種…我會稱為"Raw"的味道, 但我真的不知怎形容那種感覺…
當我看完場刊後, 我發覺由宣傳單張到場刊都沒有對原作有少許的介紹, 我覺得這是不可接受, 因為這是對原作的一種尊重.
這"Talk Show"是由男性的角度來看男性和女性心理上的分別,在美國百老匯首演後, 一致好評,
期後登陸歐洲,現在甚至成為幾個歐洲劇院的長註劇目.緊隨香港,日本稍後亦會上演此劇.
在藝術中心訂一埸表演是以四小時計,
頭埸是個半鐘劉雅麗的"歌者戀歌",尾埸是"Caveman",所以要九點半才開埸,今次"春天""一炮雙響"訂一埸收兩埸錢…(哈!我承認我有偏見,但我還是乖乖的付錢做觀眾)今次這表演把英文版本完完全全的翻譯成廣東話(在網上可以找到英文原裝對白),雖然是翻譯,但仍然可以得到在場的男仕的認同,並沒有感覺到一些文化差異,似乎世上男性心態也大同少異!
說到歐錦棠,本人比較喜愛電視上的他,在舞臺上看得出他是非常落力,不過個人覺得他動作表情略為過火,多了一些不必要的動作.至於對白,我覺得仍未能發揮原作的精髓,可能是翻譯上的問題吧!整體上我覺得是還可以的,可能是我開始時期望太高吧!
--
「死佬日記」好搞笑！
钀穚 於 2008-01-25 23:18
前兩日講過呢個星期仲會睇多一齣Must See 劇，無錯就係「死佬日記」嘞！齣氣勁爆笑，翻譯嘅對白之流暢兼「到肉」真係睇到劇作家同翻譯者嘅功力深厚！將外國作品翻譯為中文，尤其係仲要用本地言語去使觀眾有共鳴仲要不停咁笑，難度相當之高。我喺呢個半鐘內由開場笑到完場~
對劇中所提到男性係狩獵者，女性係收集者﹔我認同。但如果某啲男人只係唔用腦，淨係識得攞住支茅亂咁發動攻擊﹔咁嘅行為就真係差到極了！不過又確實有好多呢種人存在，哈哈冇呢啲人又點會覺得有更多的「正常人」呢？
至於歐錦堂的演出，抵死~佢扮女人講嘢啲神態好似呀！
--
死佬日記
格格@TRU 於 2008-01-26 00:00
大家唔好誤會......
我唔係講自己......
而講我星期三晚睇左 o既 一套舞台劇......
叫死佬日記......
因為我有兩張免費飛，所以就走左去睇喇......
歐錦棠演繹一個男人，面對女人所帶 o黎 o既 問題......
好鬼生動，個個男人都應該同意佢 o既 演繹......
佢用左古代男人負責打獵，女人負責收集做開場......
男人係好專心咁要做事......
女人可以三心兩意......
男人唔鐘意睇緊報紙 o個 陣俾女人煩住哂......
女人就好想 anytime 都熱熱鬧鬧......
男人係唔鐘意講心事......
女人可以同一個人傾幾粒鐘都唔會厭......
男人總係鐘意講野一句起，兩句止......
女人總係鐘意打爛沙盤問到督......
其實男同女 o既 心理係點 o架 呢???
男人講粗口，原來唔係大家咁諗得咁差 o架 喎...... 你又信唔信???
唔講咁多喇...... 大家可以去呢個 website 睇下個故事......
http://www.caveman.com.hk/
不過要提一提：對白係有少少粗口，未必個個都可以接受......
--
吸引我去看「死佬日記」的原因有兩個：一是喜歡武紀勇（歐錦棠），二是數盡男人．但一齣由男人主演的劇，自然是借數男人為名，暗數女人．
由武紀勇飾演死佬，當然是非常死佬．一個半小時，獨腳戲，獨幕劇，絕少冷場，很不容易．當中多媒體的運用得宜，有畫龍點晴之效．
不喜歡做家務，不喜歡多說話，看電視時只能很專心的看電視．．．
原來我都有點兒死佬．
--
死佬日記 [JR0801261]
赤馬 於 2008-01-27
作夜與老婆去睇歐錦常的<死佬日記>，如果你喜愛<男女大不同>一書，那你一定喜歡看這套<死佬日記>。
現場大部份都是女性，個個都看得很投入，當然也包括我老婆，尤其是講中她的心聲一刻，看見她笑到見牙不見眼，我就知我沒有選錯這.......一套<死佬日記>!
如有機會再演，我都會讚成你與你的異性朋友一齊去看，互相了解一下，始終看他人演出總教人印象深刻難忘。
回家途中，回想起剛才的細節，發覺我在家裡我小天地，真的只有那小小的廁所...重要系上左鎖之後才算.......唉!
--
死佬日記~Caveman
大隻牛之家@ivan 於 2008-01-27 02:45
我是一個沒有耐性的人, 所以我從不喜愛看什麼話劇之類, 要我安坐於座位個多小時的東西, 就算是演唱會, 我也很少去. 上一次聽是edmund的首個紅館演唱會, 沒記錯是02-03年的事呢. 至於話劇或是舞台劇, 應該有十幾年呢. 但昨天朋友給了我一個邀請, 叫我同佢一起去看呢. 佢竟然有免費飛, 便當是打發時間吧. 但進了場後, 才知道是一場棟篤笑呢.
看看場刊, 發覺演員是歐錦棠, 而且還只有他一人, 當時真的感到後悔, 因為我真的不懂得欣賞這個人. 在我心目中, 他永遠也是一個扮李小龍, 扮正人君子的人. 但已經坐於劇院中, 想走也走不了. 就看看這個人up乜.
這個棟篤笑的開始, 是講述主角跟老婆吵架, 老婆離開了屋企, 主角獨個兒在家中的一些感想. 他提到很多男女之間的關係, 帶出了男女之間對同一件事上的不同看法. 從男方跟女方的角度去看同一件事. 而他反映出的, 我覺得真的很實在. 他說到由原始到現在,男人也是一個打獵者, 而女人則是一個收集者. 男與女有著不同的背景, 所以很多時也會有不同的想法, 亦因為這些想法, 令男女之間出現爭吵. 完結前, 他提出了一點, 正正是一個很重要的道理. 他講到, 其實男與女正因不同的特性, 為對方互補不足. 我真的很同意他的說法.
至於歐錦棠, 這劇他反映出男人的心聲, 我覺得他演得很成功, 沒有了平常的做作, 很自然. 很多時, 我感到的並不只是他在演戲, 還感到他真的像在說出他的心聲, 甚至是在說出我的心聲呢.
看了這場劇, 直到現在, 也給我很多的感受. 其實劇中說到男與女不同的特性, 為對方互補不足. 這一點同樣可以套入團體當中. 一個團體內, 各有不同的長處, 補足了其他人的短處而變得更有力量. 這個劇的有好幾幕, 令我想到大隻牛之家的幾位牛女, 亦令我想到星期四與阿倫行的一段的感覺. 這套劇亦令我更了解女性在想什麼呢. 我相信這可以幫我更易跟我的另一半相處.
我還說過我有點後悔入了場, 但完場後, 我真的慶幸我沒有離開. 亦因為這一件小事, 給了我更多的啟示. 如果我沒有看便走, 那時我會慶幸我走得快. 不用後悔. 但結果我留了下來, 我同樣地慶幸我留在那裡, 看了一套給我很多啟示的棟篤笑. 我心還想, 沒看便走才真的後悔呢. 但再細心一想, 沒有看而走又怎會後悔呢? 因為我根本不知道這劇講什麼呢. 所以我覺得無論如何, 我也是慶幸的. 亦很同意一句塞翁失馬, 焉知非福呢.
最後, 如果有女性想知道點解男性可以不解溫柔, 沒有情趣. 為什麼男人總會講粗口, 為什麼要他陪你行街對他來說是一種災難, 為什麼男人十問九唔應, 甚至是到底男人在想什麼呢? 又或是男方想知道為什麼女方為什麼可以行一日街也不覺得累, 為什麼她們相處時會有3天也講不完的話題時, 為什麼女人有這麼多的顧慮, 有這麼多的問題. 為什麼女人就算唔買都要去行街睇野時, 我誠意邀請大家看一看這套劇, 我相信你們會知道更多, 了解更多. 你更容易知道你另一半從那一個角度去看, 相處也更容易呢.
有興趣的話, 到那邊走一走.. 上演到2月1日.
--
我倆愛煞舞台劇﹑楝篤笑﹑歌劇等誇謀體創作，這兩個月來一共看了三套不同的製作，包括 <萬千師奶賀台興> ﹑<越快樂越大獲> 及 <死佬日記>，未料到最沒有期望的，反而最具睇頭，看來前兩者這回遇上了勁敵，非加油不可。
老實說，硬要比較三者優劣，確實有點不公平，理由是大家屬於不同類型的製作。詹Sir出身舞台，著重舞台設計，燈光效果亦不少，劇本最具創作意念，加上常作多重角色扮演，甚是討好。子華的演出是傳統美式的楝篤笑，一個人一枝咪，並沒有任何花巧東西，實而不華，而主題大多環繞生活﹑時事﹑經濟﹑政治等敏感性話題，看得出他與生俱來的非常觸覺及幽默感。至於歐錦棠呢 ? 我則有點保留，記憶中的畫面大概停留在同事三分親內那個滑頭又或扮李小龍扮上癮的那位傻佬，絲亳不討好；我猜當個演員還可以，楝篤笑形式的舞台劇還行嗎?
當了十多年演員的亞棠並沒有丟臉，是晚發揮渾身解數，令人刮目相看，且活用每一處身體語言，表現直迫前兩者，且大有青出於藍之勢。而最重要還是劇本寫得好，搞笑Gag位特別多，全晚牽引著觀眾情緒，絲絲入扣。前兩者演得好，我一點也不意外，
他們既資深且有觀眾緣，是天生的喜劇演員 (即使不說話，來個簡單表情，已教人捧腹大笑，跟星爺同類)；相反，亞棠的實而不華更教人欣喜，絕對值得鼓勵。由於珠玉在前，再加上其連貫性演出(不設中場休息)，是次<死佬日記>，我給一百分!!! 歐錦棠這名字絕對令人期代。
反應蠻熱烈，座無虛席 聽講加了一場呢!
我偷偷拍了照，原來藝術中心壽臣劇院座位很小呢 ! 約幾百座位咋!
--
《死佬日記》好好睇，Good Show，加油啊!
林海X都要行埋一邊，一萬個"好"
--
繼萬千師奶賀台慶之後又一齣one man show。歐錦棠在劇中以一個已婚中年男人的身份道出男女之間的性格差異。基本上整齣劇都是以穴居野人的分工 - 男性狩獵，女性收集 - 為基礎去解釋兩性之間差異的源頭。
《死佬日記》用了大量生活例子去解釋男人和女人的行為差別是緣於狩獵者和收集者這兩個身份的不同。作為狩獵者，男人必須高度集中，專注地等待出擊；作為收集者，女人則要對每件事情都保持好奇心，盡量搜集最多的資訊。因此，男人做任何事都是有目標而專注的；女人做事就需要要多元化，以保證收集到需要的東西。
歐錦棠的演出實在非常精彩，他在劇中的演出非常生鬼，他能傳神地演譯男女在遇到不同事情的反應，看得我閞懷大笑(亦忍不住想起說話時常常夾雜粗言的某C)，又不覺悶場。
--
陽具獨白---觀舞台劇＜死佬日記＞後有感
tommyjonk 於 2008-01-27 22:59
前言：
你知道為何女人愛Shopping，男人愛Fishing嗎?
為何一班男人在一起總是無所事事，三個女人就是一個墟?
正文：
撇開「男人都是PK」一類嘩眾取寵的對白，這套以男人角度看男女大不同的<死佬日記>caveman實在有不少可供討論之處。
新好男人的陽具獨白
為解釋何謂新好男人，不得不引拙文先作交代：
綜合Robert Bly及其後一些"男性解放"論者的觀點，我們發現要當一個好男人其實並不難。
尋回天職 (Male Vocation):往昔的所謂男性成長的必然階段（如集體偷窺，醉酒鬧事），幾乎統統都和暴力有關，但其實這些暴力行為根本和男性天生剛強的個性無任何關係，而"男性解放"則主張找回已失傳的男性天職──當個好丈夫積極參與家務；或以好爸爸的姿態照顧下一代，進而學習如何從傳統中釋放自己以及女性，達到兩性雙贏的目的。
近年來研究兩性關係的文本雖有如恆河沙數，可惜內容大都流於表面，甚至充滿謬論。而<死佬日記>最有趣的地方，就是原著劇本能夠利用原始男人和女人的天職－－狩獵者和採集者之別作為中心點，藉以貫穿兩性在思想和行為上的分野。
當然，這種強行二分的方法有以偏概全之弊，亦未能反映時下男女俱變得愈來愈中性化的潮流。然而，作為解讀兩性關係的一種手段，<死佬日記>重視文化源頭的切入方式，卻正好直指問題之核心，而翻譯者能大量應用貼近實際生活的例子加以闡釋更是值得一讚。
例如女人傾向合作和搜集情報，男人則以目標為本的分析，不正好反映兩性在職場時候的處事方法嗎?
至於矛、魚桿、粗口和陽具的串聯，更是簡潔有力。
如果你認為描述女人心事的《陰道獨白》值得一看，這套<陽具獨白>又焉能不看呢?
後記：
放下成見，就在今天。要男女雙方可以和諧共處，互諒互讓，了解和認識就是最重要的第一步。
你/妳，願意打開天窗嗎?
--
死佬日記
Miss Beauty 於 2008-01-28 00:02
看了，真的笑爆咀~~~哈哈哈，比起詹Sir或林狗有過之而無不及。男女皆應該看看這一套笑看男女大不同的舞台劇。
實在相當抵死惹笑。
男女的不同也講得很中point~~
1: 跟友人好久不見
女生和女生 - 總會聊很久很久.....
男生和男生 - 點呀, x 樣, x你xx呀.....
哈 都是不同的溝通方法
2. 冬天睡覺時
女生總會說: 老公呀, 好凍呀, 可唔可以放對腳係你度
老公心想: 哇...凍死我
哈哈
3. 男生約男生的方法: 喂 出黎入杯野啦....喂 去釣魚囉......但其實很多時候他們都不說話....只是一起便足夠了
說起來....sorry 完全沒他的神x
太多好笑位....要現場看才會好笑....
入場前完全估不到歐錦棠會這樣好笑~!!!
大家快d買飛啦，時間無多....得番幾場咋....1/29, 30, 31, 2/1
係壽臣劇院呀，唔去去錯詹瑞文個邊演藝~~!
真的，比起《萬千師奶》好笑很多倍~~~
推介度: *****
好笑度: *****
>>下文引自《蘋果日報》
《死佬》原為穴居人，佈景精簡冇對手，勁考功力。而阿棠兩個月間做3套劇，拍電視之餘又贏了個空手道比賽，真係死佬不死傳說!
他有期待，《死佬日記》是百老匯長青棟篤笑，曾在30多個國家上演超過7百場，美國劇評力讚「會笑到你塊面好痛!」，他是東南亞Caveman第一人，也是他個人第一部獨腳戲。
「做《死佬》很有挑戰性，因為這是百老匯改編劇，我們要忠於原著，大方向、佈景、服裝一律不能改，不過情節及對白，我們力求有本土味，為了讓大家看得過癮，我出賣了許多和老婆相處的生活細節，希望大家有共鳴。」
「死佬」特質諸如「過份專注而誤被女人話發吽竇」，「唔鍾意做家務」、「硬係唔講心事」以及「一日到黑圍威喂」，阿棠都會在劇中一一分析。「男女爭執家常便飯，我老婆成日話我唔認真，我隨口答『認乜真』，咁就有交嗌。其實這種分歧，是物種差異，並不是有一方特別認真或特別不認真，如果為此而嗌交，甚至嗌到分開就很笨。」
<<
--
Funny Caveman Show
Lovely Devil 於 2008-01-28 13:32
I went to watch a one man show by 歐錦棠 last night at Art Center. It was very funny and the show has been played in Boardway for 10 years already. It is the first time translate to be Cantonese and acted by him. Me and Mr A were laughing all night long during the showtime. Although the show was not that long but only 1.5 hr, and it's enough for us to enjoy it much.
--
舞台劇 "死佬日記"
康妮 於 2008-01-28 14:56
剛剛過去的星期六(26/Jan)看了由歐錦棠先生主演的舞台劇 "死佬日記",
貼切些來說, 應該是 "棟篤笑" 才比較正確,
內容是講述一個已婚男人對婚前婚後生活與及兩性關係的看法,
全場觀眾都在整整個半小時裡笑個不停,
除了因為歐先生的演出攪笑之外, 最主要就是內容夠生活化,
他將日常兩性相處時所遇到的問題和趣事, 用一種輕鬆生鬼的表達方式來解說,
例如 : 點解女人鍾意shopping? 點解女人能夠同一時間做好多o野而男人唔可以? 點解女性會同朋友之間有說不完既話題, 而男人通常都係一句起兩句止? 等等......
我留意到在場的觀眾 (包括我和老公), 一邊看一邊笑著點頭認同, 我想每一對情侶或夫婦在日常生活中都會有著同樣的疑問吧......
最近看到很多因感情關係破裂及家庭糾紛而引致謀殺或自殺的報導, 很感慨的就是當兩人深愛對方的時候可以甜蜜到旁若無人, 願意為對方付出一切, 到感情受到傷害時又可以不顧一切的置人於死地, 這種因愛成恨的殺人武器實在令人可怕.
相信此劇目的就是希望帶出 [男女之間的分別], 而兩人相處時應該要多些了解自己的另一伴與及互相體諒, 接受大家之間有不同之處,
這樣雙方才能夠相處融洽, 手挽手一起走到白頭.
回應
細蚊 2008-01-28 23:17
「看電視時只能很專心的看電視．．．原來我都有點兒死佬．」
我都係!!!
--
琴晚同團友們睇歐錦棠既棟篤笑——《死佬日記》，雖然入面有不雅用語以及性愛話題，但係充份演譯出男女之間既相處問題～男性同女性思考方法完全唔同，結果彼此有誤解。尤其現今世代，大部份人都為自己著想，例如：「你知唔知我感受架? 」、「你滿足唔到我要求!」等等，經過歐錦棠一番爆笑演譯之後，讓我哋重新認識返男女大不同，但係互相體諒、遷就後，男女既唔同其實係互補。
以往睇《同事三分親》見到歐錦棠飾演既「武紀勇」好乞人憎，佢既演技一定有返咁上下!透過今場show，不得不佩服歐錦棠千變萬化既演技、面孔同聲線……
--
麻甩佬的心事：《死佬日記》
查斯特 於 2008-01-29 00:20
老天給我們開了一個玩笑，創造了男和女這兩個性別。從遠古到現在，由互相毫不了解，到現在有一學科叫做性別研究，人們還是苦苦追尋男女相處之道，甚麼《男人眼中的完美女性》、《十個男人不可不知的女性秘密》等，每季以不同包裝相似名字在書店的暢銷榜駐紮。在眾多書籍中，小查從來最信服的就是《為甚麼男人不聽，女人不看地圖》。今天，進場觀賞《死佬日記》不久，小查便看到歐錦棠以精堪的演技去把書中的神髓呈現觀眾眼前。
時光機旅程
小查不是說《死佬日記》是改編自這本書，而是它們分享了一個共同的視角，就是男和女兩個不同的文化，是可以或應該簡單地解釋，就是把時間線推前幾千年。然而，《死佬日記》比《為甚麼》一書更直截了當地分析男和女這兩個極端的文化，就是套用了狩獵者和收集者兩個身份去詮釋男女的大不同，而例子也非常地道，難以不引起觀眾的共鳴!
《死佬日記》以大量生活例子去解釋男人和女人的行為，其實充滿著狩獵者和收集者這兩個身份的味道。男人專注地守候，靜待出擊一刻；女人對萬事萬物充滿好奇，期待發現的喜悅。因此，男人購物是有目標而專注的，買下要買的東西便回家，待日用品不能再用才再次購買，因此更能理解及感知方向和路線；女人購物是一種收集行為，不需要專注，而是要多元化，以保證收集到需要的東西，因此對顏色、形狀特別敏感。除了購物，狩獵和收集概念更可以應用在兩性相處之道、大腦結構、日常生活如問路，甚至是性愛等不同範疇。女性喜歡收集情報，因此喜歡談天說地；男性專注行事，所以少說話，而且用字單調，不是問候人家的娘親，就是預言對方會跌在一條很臭的街道。
對「野人論」有認識的觀眾可能會預料到劇情的發展。然而，購票進場無謂令自己敗興而歸，歐錦棠的演技固然是有水準，把自己的生活經驗帶到觀眾眼前，甫開場之初已透過錄像製造一個「麻甩佬」形像，姑勿論現實是否如戲，但已成功塑造了一個「從獨特看普遍」的效果，他代表了全世界的臭男人，穿著孖煙囪滿屋走、上廁所看報紙不關門、球賽大過天。同時，這位麻甩佬更是中年男士的代表，那是一個從男尊女卑年代走向男女平等時代的過渡期，是香港社會第一代的紳士，最後一代的大男人。可以說，《死佬日記》正是瞄準中年或以上的市民作為觀眾群，以一個小男人和太太吵咀後的一段自白，分享和分析那些看似獨特卻甚為普遍的生活片段，再總結相處之道貴乎諒解。
野人論之不足
從「野人論」去解釋男女之不同，會有兩種不同的反應：
女士們(合作地大叫)：超，咁你點解釋男人衰咸濕呀?
男士們(沉默心中說)：屌，咁你點解釋女人無理取鬧先?
《死佬日記》沒有告訴女士為甚麼男人好色，也沒有告訴男人為甚麼女人喜歡無理取鬧。但是，我們心裏明白，如果用「野人論」去解釋這個問題，理據便顯得單薄了。若單從生物進化角度去解釋男和女兩種截然不同的文化，是不可能的事情。否則，為甚麼四大文明人才輩出，地球繞著太陽走了不知多少千次，仍然印製出一本又一本的天書? 甚至是可以用「野人論」解釋的一些行為，一小時三十分鐘的內容也不能盡錄，在有限時間入面，導演和編劇採用了哪些內容? 為甚麼要採用這些內容，就是研究目標觀眾群所屬社會圈文化的絕佳素材。
舞台上的改變
從《天工開物‧栩栩如真》開始，舞台上的多媒體效果便一套比一套用得明顯。從前舞台指導苦思如何利用舞台的空間，配合燈光去塑造各種效果。今天，我們看到舞台劇不再用旋轉舞台作為吸引觀眾的效果，而影片慢慢侵佔舞台，那是一種結合，也是一種出路。就像《死佬日記》一樣，如果把演出時間又推前十年，劇本便要改變了，起碼開場的方法已不同了。另，每位進場觀眾都可以得到《死佬日記》原子筆一支，場刊附有郵卡一張，只要觀眾填上朋友地址推薦該劇，劇團便會為你貼上郵票寄到朋友府上。《死佬日記》的廣告宣傳也十分強勁，除了傳單使用硬卡紙質地的紙材，也在明報網站等地方大力賣廣告，這種強勁的公關非其他小型劇團可以比擬，這裡我們可以看到一個大型劇團的優勢，更讓人想起政府在發展西九文化計劃的時候，做了多少功夫協助中小型劇團在僅有的觀眾群中搶佔足夠糊口的市場佔有率。
獨腳戲沒有其他演員的支持，全場聚焦一點。演員可以有更大的發揮空間，但當有任何出錯便會十分礙眼。歐錦棠偶有口齒不清的情況，只是那幾段對白都是冗長而急速。總括而言，演出是十分流暢，若果有重演的話，我相信所有夫婦、情侶都應該攜手進場，聽聽另一半想跟你說很久，但又不敢說的一番說話。
--
今晚同女友去左ART CENTER睇 死佬日記, 都唔錯, 幾好笑. 起初如果唔係女友想睇都唔會入場, 因為一見到春天製作呢, 就打個折扣, 事關佢地的戲唔係咁合口味. 不過睇完又幾好笑, 兩性關係個D, 觀點於我就無咩新野, 女人收集男人打獵, 女人合作男人講數. 就係睇下佢點演繹, 都好好笑喎, 好諷刺下. 好多女觀眾笑到大拍手掌, 有D位呢 我前面個幾個 女人仔 直情手舞足蹈. 當棟篤笑睇的話, 觀察深刻過林海峰, 節奏的掌握就當然唔夠黃子華來----黃子華佢首屈一指, 又有深度唔係隨手搵D人來挖苦.
最正的係, 個劇編得幾有心思. 用原始人的洞穴世界來做比喻切入, 現代/原始/男/女四角交錯來對比文化差異, 幾得.
陳鈞潤翻譯自是老手. 不過都有少少幾個位有D翻譯痕跡好隔, 再本地化埋佢仲好.
做到二月一日, 想笑下可以去睇.
--
死佬日記
煜昇Daddy 於 2008-01-30 00:42
笑到我同煜昇mammy收唔到聲啊~
今次由歐錦棠主演的棟篤笑, 我非常之欣賞有故事背景再加上舞台式的演繹方法, 其實初時都對呢個表演沒有太大期望, mammy在口中常提著成一百九十元只睇九十分鐘,不如睇幾埸戲啦~之不過散埸後,我再問mammy值唔值得睇呢個表演,她說:" 好笑,好好笑~如果買到平少少飛就超值!".聽完後,心諗今次我應該又有分加啦
~hehe..... 估唔到歐錦棠一個人做呢個關於男女關係的棟篤笑表演得唔錯, 九十分鐘內起碼全埸又超過十次拍掌位...勁!
有時間可以去下www.caveman.com.hk 睇下個棟篤笑介紹!
三百八十元兩張飛, 只有九十分鐘欣賞表演時間, 的確是貴了少許, 但可以令到我和mammy在同一空間內一齊抱著肚子笑了多次,若再貴一點,我都樂意再付出!
--
死佬日記
世界裡的一細舊 於 2008-01-30 11:59
尋晚睇了"死佬日記", 笑到我肚痛, 自從歐錦棠做了"武紀勇"之後, 我就覺得佢好生鬼, 個樣唔笑都好好笑, 但又無林海峰黃子華佢地甘串, 感覺友善d, 戇居d。
其實呢類講男女大不同的talk show一定有笑位, 就算唔係棟篤笑, 好似以前聽屈偉豪博士那些戀愛講座, 都好笑, 因為男女本身那種不同, 那種衝突, 只要你是人, 都一定有共鳴!
不過歐錦棠真係做得好攪笑, 佢d表情動作好抵死, 值得推介!
回應
BT 2008-01-31 23:16
Yeah! I like 屈偉豪博士 too. He is a good specker on B&G relationship.
Marcella 2008-01-31 18:49
hm... really want to see it tim...
--
再嚟 《死佬日記》
小吉子 於 2008-01-30 14:12
自從有一次睇過歐錦棠的舞台演出，我已經覺得佢係一個出色的舞台表演者. (雖然佢上次只不過是演一個大配角，不過亦是劇中唯一男主角.)
今次《死佬日記》是一個獨腳戲，佢一個人演出足一個半小時，中間絕無冷場，笑足一個半小時.
我星期日睇完，星期一返到公司就係咁同我啲同事講話好好好好睇．叫佢地去買票．講講吓，我自己又買多張，同佢地星期六再去睇過，認真誇張.
講真，我都無試過話一套戲好睇到令我咁短時間內重睇．當套戲重演我就有試過話再睇，不過通常都至少係相隔一段時間之後...
足以證明我睇得有幾開心呢!
我覺得呢套戲真係男男女女都應該睇，只要你拍過拖，拍緊拖，結咗婚，準備結婚，都應該去睇. 你一定會發出“會心大笑”，哈哈哈!
加咗場呀!有興趣都去睇啦!!!
--
死老日記
豹豹、、小平、阿克 於 2008-01-30 16:26
昨晚同老婆欣賞歐錦棠既楝篤笑話戲死老日記!十分精彩,佢用原始人的習性來解釋男與女的大不同!
都幾有共嗚,尤其結咗婚的男女!哈哈!
當中講到原始男人係.....狩獵者,男人需要好集中專注一個目標,一隻獵物,對於身邊唔係目標既野係會睇唔到、聽唔到!先可以成功捕捉獵物!下次當你見到你的男人好專心睇電視、上網、砌模型........你即使幾大聲同佢講野佢都係聽唔到，因為，這是男人的原始本能!
而原始女人係.......收集者，女人要周圍去採集生果食物，同一時間留意周圍事與物，務求收集最多東西!先有足夠食物。當女人去到一處地方，最喜歡東採採、西刮刮，係現代黎講我地叫做shopping!下次你無謂阻止你女人去shopping，因為，這是女人的原始本能!
解釋到男女點解咁唔同,若果用咗男人方式去對代女人 or 用女人方式去對付男人，這樣矛盾就出現啦!!哈哈
另外講到性方面都好攪笑,若果攪錯咗就男女都得唔到滿足!
由於男人係狩獵者，好多時都集中一點，就一直去到高潮為止，攪掂，算數！不過男人忘記咗女人係收集者，據了解女人係有72個性敏感地帶，所以女人需要你找出來，東採採、西刮刮佢地就最鐘意!
不過女人都忘記咗，男人係狩獵者，基本上男人只有一個性敏感地帶，女人，你只要集中一點就可以了!
哈哈!精唔精境?!
回應
流水 2008-02-01 12:42
原來如此，搞笑得來，又幾有道理。
V 仔 2008-01-30 22:44
咁攪笑! 真的值得去睇喎．
估唔到除了打波之外，你兩老婆都有共同興趣睇話劇．Good!
sam 2008-01-31 12:40
你都值得去睇下!
--
好好笑的 "死佬日記"
火柴小姐 於 2008-01-31 00:37
睇到blog 友miss beauty 介紹~
就拿拿林走去買飛睇<死佬日記>, 歐錦棠個人show
有好幾part 真係好好笑, d 內容好到肉, 笑到收唔到口, 拍晒手掌~
講男仔"平時打招呼"同埋"傾心事", 真係好中兼好笑~
我個fd 睇完都認同!
有一part 好抵死, 佢用2隻股票黎形容男人對床事o既表現:
[ 開頭就係"長實", 之後就係"微軟" ]
笑到肚痛!
唔係blog 友推介, 我都唔知有呢d show 睇, 又估唔到ok 喎~
佢加開到2月2日, 有興趣睇o既朋友就去城市電腦果度買飛啦~
回應
龍震天 2008-02-16 01:49
噢，已經miss左了，我不嬲對棟篤笑好有興趣，因為就咁樣引你笑，真係一門好高深既學問同埋要有好好既技巧呢！
--
上星期同司機叔叔去左睇一套翻譯舞台劇 – The Cavemen.
好好睇，好好笑。有興趣既朋友可以去呢度睇下：http://www.caveman.com.hk/
套戲一開始就爆左句：D男人真係PK架!
就係呢一句話，同埋套戲既內容令我諗返起2首我最愛既陳奕迅既歌
我朋友稱之為【男人之歌上集】&【男人之歌下集】。
--
死佬日記
看死佬日記的觀眾 於 2008-01-31 13:16
Hi! 前晚睇死佬日記， 是出乎意料外的精彩. thank you! 真係做得好好!希望你繼續加油， 越來越好!
--
"死佬日記"
henry 於 2008-01-31 15:00
2、3個禮拜前老婆問去吾去睇歐錦棠既<死佬日記>，一向都幾鍾意討論關於兩性關係、分別等話題既我，加上想多d認識歐錦棠，所以買飛去捧場.......
話劇名叫Caveman，原始人，以為純粹諷刺天下男人都是野人一名，不解溫柔；原來套劇係借原始人的角度去探討男女.....晌原始世界，男人天職係獵人，全神貫注去打獵；而女人天職係收集者：著重細節，愛研究物件的外觀、顏色等，亦愛同同性交換、收集資訊、交流心得，務求覓得心頭好.......
所以我同認同劇中所講：
女人用說話來思考，男人先思考再說話....
女人透過交流資訊來充電，男人充電時愛找個靜止既空間，例如睇電視、打機....
女人透過說話聯誼，男人聚會吾會多說話，例如踢波、釣魚、飲悶酒睇靚女......
女人被邀請出席宴會，心只會諗："我該著乜衫好呢？吊帶背心好？定還是v領果呢？襯紅色粹花裙又好吾好睇呢？" 但男人腦中只會諗："去吾去好呢？熟吾熟呢d人........"
男人揾黎揾去都吾見一件東西，女人就懶洋洋邊挫指甲邊說："睇下床下底第三個膠箱旁果個紙袋吧...."
要男人漫目無的逛街、逛商場絕對係件苦差；但女人只睇吾買都可以逛大半日，面不改容，因為佢地正在"收集資訊"......
男人一買到心頭好就急急腳返屋企，好似買左四仔冇格仔咁，心急先睹為快；女人買到心頭好後，會繼續逛，再買心頭好，再逛，再買，直到冇手拎為止........
好中point呀!!
<死佬日記>係歐錦棠晌劇壇既首個個人演出，演繹得好出色!雖然佢眼細細，但面部表情都幾有可觀性，尤其是模仿女人動態及語氣! 另外想提下既係劇中有部份加插左粗口，但一d都吾覺唐突，安排得幾自然，至少比<陰道獨白>中羅冠蘭夾硬講果一個字粗口來得好......
我身邊女性朋友比男性朋友多好多，由中學到而家工作都係，我吾係為左識女仔，而係，我係一個幾冇記性既人，好須要一d好記性既人"幫我記下"，女人係首選，但得接受冇女人吾記仇.....我雖然冇記性，但總算細心，我會為一件事去諗100個可能性，盡量做好件事，但男人會覺得我好"婆媽"，令我有d冇引......其次係我性格問題，吾鍾意去人多既地方，男人既聚會離吾開熱鬧既酒吧，坦白講，我吾多慣......
因為長期同女人相處，我自有一套方法面對佢地，就算幾咁黑人憎既女人我都可以相處到，因為我相信點黑人憎既人都會有一丁點既優點的，唯一令我放棄面對既女人，係一d無品、無同情心、自私既女人，因為"道不同 不相為謀"......
睇完<死佬日記>，我係100%同意"原始人論"的!男人同女人既天職一早已分道揚鑣，天南地北，所以男女思考既出發點有吾同我係理解的，只不過近呢100年，女性主義、爭取男女平等等運動抬頭，打破左男人獨大、男尊女卑既思想，因兩性本質上既分別而引起既茅盾、角色爭議、討論日多......但，本性，又點會咁容易改到呢？
P.S.
男女既話題多如繁星，吾明點解吾自家本地創作，而要借用"百老匯"之名去攪呢？我反對抄襲，只覺得呢個題材絕對難吾到我地一班本地劇場攪手，與其用錢賣版權，為何吾自創一個呢？廣義d去睇，要發展本地文化事業，一個西九係吾夠的，軟件先至係重要~~~
<死佬日記>8月會re-run，而4月和7月會進軍加拿大 & 星加坡，加油la!棠哥!!
--
死佬日記-原始野人
anna 於 2008-01-31
29th, 同yok去看舞台戲, yok堅持神秘感,看之前無話我知做咩事!
好好睇,其始內容圍繞男人和女人的不同,解決為什麼現代男女相處出現的問題
其實因社會變了,女性受注重,加上接受了高等教育
歸因咎底,接受異同性就是相處的道理
我也學習緊
--
同事三分親團年飯~
Dancing NaNa B 黃卓慧 於 2008-02-01 17:54
棠哥~ 一個令我好佩服的演員, 整年間除了拍"同事三分親"還不斷參演很多話劇, 看過他的"奇異訪客" 和 "死佬日記" (仲有"麥迪遜之橋"等重演去睇~) 真的覺得棠哥很厲害 , 是一位很出色很全面很有ENERGY的演員~ 哈哈, 想回頭認識到你感覺真的很奇妙, 不枉我支持了你那麼久~
P.S. "死佬日記" 仲有得睇~ 真係包你笑爆咀!!
--
死佬日記 (25-01)
莎利葉 紫織 於 2008-02-01 17:37
~ 死佬日記 caveman ~
“Caveman”原譯應該為“穴居人”,
本劇考妙地改譯為“死佬日記”, 確實增加了本地人的認同感.
男人跟女人本來就是來自兩個星球的人,
兩個不同的物種, 一個是狩獵者, 一個是收集者.
狩獵者 ~ 男人需要集中精神專注一個目標獵物,
對於目標以外既野係會完全睇唔到、聽唔到! 咁樣先至可以捕穫獵物!
當你見到你既男人好專心睇電視、上網既時候,
你就算幾大聲同佢講野, 佢都係唔會聽到既，
因為 ~ 這是男人的原始本能! !
收集者 ~ 女人要周圍去採集生果食物，
同一時間又要留意周圍既事與物，
務求收集最多既食物, 所以當女人去到一處地方，
會最喜歡周圍找找看看,
係現代社會黎講, 我地叫呢D做shopping!
因為 ~ 這是女人的原始本能! !
男人既合作關係係見基於 ~ 講條件.
而女人則見基於 ~ 分享.
女人可以三五個圍埋一齊去廚房拎薯片,
但男人只會係唔夠牙力講條件果個先會入去拎薯片.
女人可以對著朋友話 : “嘩, 件衫著得你個胸好大呀!!”
但男人絕不能對朋友講 : “嘩, 你換左條褲呀, 著得你抽野好大喎!!!”
歐錦棠既one man show果然不錯,
對白內容及表情動作都好精景,
只要你拍過拖, 不論男女都會好有共鳴,
原來男人之間那粗口式的招呼語,
其實某程度上係等同於女人之間的問候語句,
印象最深刻既莫過於 ~ 女人既冰凍雪腿,
我同肥仔都笑得好大聲, 因為真係最有同感.,
幸好肥仔的死佬指數還不算太高姐.
--
Caveman - 死佬日記
夜鬼 2008-02-01 於 10:18
對於女性來說，男人總係某些時候做出一D令女人討厭既行為。
大男人、唔細心、發白日夢、唔出聲死要面、講過既野又唔做、做既又做一半、答應左既野總係會唔記得、朋友永遠比女友重要...........
「死佬日記」，號稱地球上最爆笑既兩性喜劇，由歐錦棠重新演繹。
One-man show確實真係唔易做，阿棠! 好野!
回應
Yuki 2008-02-03 00:54
咁攪野..
--
1又1/2小時裡用穴居人的死佬進化論向大家重點闡釋了1次《男女大不同》系列，1句到尾，妙趣頻生。因為都是典型，所以幾有共鳴；然而兩口子相處之道又豈止關乎男女之別而已。俗話說「己所不欲，勿施於人」，but this also doesn't imply「己所欲，施於人」；兩性相處，又甚至是人與人之間的相處，我始終認為重點在於溝通，而溝通的重點在於了解，而了解的重點在於聆聽。
算了，陳腔濫調終究是陳腔濫調，再說下去只會更「陳腔濫調」罷了。
說回此劇，我認為它的重點是希望大家接納兩性間的「和而不同」。哈哈，中化bor，5千年中國文化鬼佬都要學ah，中國人萬歲!
本來是broadway長青1-man-show《caveman》，來到香港經過翻譯和加入不少localization後變得更合港人口味，值得1讚。而歐錦棠的外表又的確麻甩得很符合「死佬」造型，演員挑選得宜，只是舞台感染力稍遜於詹瑞文，搞笑節奏感稍遜於黃子華，不過相信假以時日，多重演幾場，就會越來越gd-fit了。如果它什麼時候重演，而那時候我又有了我的打令，我1定會拉他去看，其實這樣幾溫馨。哈哈。
個人喜愛度︰9/10
*其實我有1輪好迷歐錦棠，那期是《10萬噸情緣》，歐錦棠飾演的劉華完全是我那1期的打令投射。哈!(現在午夜重播《翡翠戀曲》，「傑少」也有型得很。:-P 屌你咩，撚樣。)
*始終是土炮髒話最地道。:-)
--
死佬日記 (31/1/2008)
蘇蘇 於 2008-02-02 13:35
今晚同我個好姐妹去睇舞台劇，其實算係棟篤笑，由歐錦棠單人主演。(歐錦棠係邊個? 同事三分親的勇少囉!)
我地睇夜場，9:30 睇到11點，回到家都12點幾。
今次睇的地點係我好喜歡的灣仔演藝中心，因那個場細細地，個距離好近，而且今次仲坐第6行tim!
"死佬日記" 係講男與女的不同，特別係思想上。個內容好切身的，所以你睇完就會知道點解d 男人係咁樣...男人睇完..又會知道d 女人點解咁多0野講。
有些位真係好好笑ar，大著個肚大笑係好辛苦的。
你地如果有機會...不防去睇下，而且歐錦棠亦做得不錯!!
死佬日記......good show
多謝mabel......死佬日記......good show
男女大不同，歐錦棠演賤男
低能、攪笑......反映男人心態?
過左個開懷...hahaha的晚上
凍...凍...凍...賴床
遲到，每朝都要乖的士返工
好貴呀﹗﹗
--
卓卓有輿 - 死佬日記
觀眾 於 2008-02-03 00:02:25
前日同咗四條撚樣(何謂撚樣? 下面會有解釋 去咗睇歐錦棠做嘅棟篤笑 - <死佬日記>.
其實本身對棟篤笑同歐錦棠都興趣不大, 今次係因為dee哥介紹, 而個topic又真係好吸引, 所以就俾咗我嘅第一次佢喇(我講第一次睇棟篤笑咋.
其實呢個show又唔係純棟篤笑, 亦都有少少acting成份. 不過我唔係內行人, 唔識形容呢個叫咩手法.
呢個show嘅主題係講兩性嘅差異. 開場先播咗一段歐生同佢老婆嘅生活片段(當然唔係真架啦, 當中包含咗好多兩公婆經常會發生嘅"不咬絃"事件. 不過我就嫌段片太冗長喇. 大咪話佢睇到恰著咗喎.
跟住歐生出場就同老婆電話嗌交, 然後就即刻入正題: "點解喺女人眼中, 男人全部都係仆街?"
喺女人眼中, 男人又ler fer, 又粗心, 又粗魯, 又不解溫柔, 又自我...
喺男人眼中, 女人又or gor, 又長氣, 又麻煩, 又多管閒事, 又bi li ba la...
其實呢d睇法, 都係基於男女本質唔同, 而大家又唔了解, 以為男女係可以視為一樣嘅生物而衍生出嚟嘅問題.
其實男女之別, 早從上古已經開始.
當時男野人係"狩獵者", 女野人係"收集者".
"狩獵者" 嘅工作就係楂住茅專心一意, 全情投入佢嘅獵物度打獵.
"收集者" 嘅工作則係要留意四方八面嘅事物, 留意邊棵樹上面有食得嘅果實, 地下面邊度有食得嘅菌類...
因此衍生咗男人做咩都會專心投入去做, 留意唔到周圍發生嘅事. 就好似睇緊電視嘅時候永遠唔會聽到身邊嘅人嗌自己.
女人呢就唔同, 可以將佢地嘅專注力放喺唔同嘅地方. 好似睇電視咁, 無線一賣廣告就即刻轉去亞視, 而兩台嘅劇情都可以入晒腦. 同時間仲可以同其他人傾偈啦, 搽指甲油啦...
miss咗嘅劇情點算? 女人可以想像, 而呢個亦係佢地嘅專長. 就好似行街shopping, 佢地見到d嘢可以想像到放喺屋企會點點點, 呢件衫可以同邊件衫襯... 男人就想像唔到咁多嘢. 見到件衫, 我只會拼埋身睇佢襯唔襯我, 但係我永遠唔會諗到可以同屋企邊件衫邊條褲襯到.
亦因為"想像", 男人同女人講嘢嘅時候男人會一句起兩句止, 因為佢唔會想像到咁多嘢, 有咩要講嘅就係果一兩句key points, 講完就over. 女人呢? 可以想像到好多嘢, 一個point可以lung到好多嘢講. 男人唔出聲結果會點? 女人就會話:"我講咗咁多嘢喇, 你覺得點吖? 點解唔出聲呀? 係咪我話得你唔啱吖?..." 就係因為男人已經講晒佢想講嘅嘢而唔出聲, 女人就會想像到"係咪我話得你唔啱吖?" 更甚者會想像到"你係咪唔鍾意我?"
講開講嘢, 女人一走埋一齊就可以咩都講得一餐, 不論係自己及對方身體, 定係心事, 總之就會將自己嘅情感掛晒佢塊面度. 男人呢? 一切盡在不言中, 坐低一齊睇下電視, 飲下啤酒就已經係交心朋友. 所以女人見到幾日冇見嘅朋友會好興奮咁大叫"嘩!好耐冇見喇!我好掛住你呀!..." 總之要將幾日冇見嘅鬱結講晒出嚟. 男人呢? 見到一大段時間冇見嘅friend第一句會講:"點呀? 撚樣" "仲楂緊架前七呀?" "屌你呀! 戇尻仔" 女人睇到就會話男人粗鄙. 其實男人就係咁溝通. 喺男人嘅語言入面, "撚樣"即係"friend", "仲楂緊架前七呀?"即係"我地識咗好多年, 好多年冇見喇", "屌你呀! 戇尻仔"即係"我同你真係好friend". 講到呢度, 真係忍唔住要拍一拍坐我隔離嘅蕃薯, "點呀? 撚樣"呢句真係佢嘅金句......
下一個話題係講到男女做嘢嘅原則唔同. 女人做嘢嘅原則係"合作", 男人做嘢嘅原則係"講數". 咩解? show入面講一個例子, 幾個女人一齊一路食薯片一路睇電視, d薯片食晒, A君: "咦? d薯片食晒喇喎, 我地一齊去攞咯" 跟住全部人就會一窩蜂咁一齊wiwiwawa咁去攞薯片. 男人呢? A君: "喂! d薯片食晒喇喎! 攞包新嘅過嚟啦" B君: "屌! d薯片我買架. 你去攞啦!" C君: "你都戇尻嘅! 我稱上嚟架, 你去攞啦!" D君: "仆街啦! 呢度我屋企呀, 你去拎啦!" E君: "你都霎戇嘅!我上嚟睇電視架之嘛, 上嚟食薯片架咩? 你去拎啦!" F君: "我... 我... 好囉. 我去拎囉." 喺冇bargaining power嘅情況之下, F君無奈地要去拎薯片, 並唔係因為佢願意去拎而係因為佢冇point去同人講數, 呢d就係男人合作嘅方式.
男人天生就好似"狩獵者"咁放晒佢嘅專注去佢做緊嘅嘢度, 要有目標先會做到嘢. 而女人天生就好似"收集者"咁留意四周嘅事物, 收集一切佢可以收集到嘅嘢. 一對情侶去探自己嘅friend. 女嘅好快就可以投入到去對方(女性度係咁雞啄唔斷, 係咁收集情報, 男嘅呢? 兩男尷尷尬尬咁互望, 沉默數十分鐘, 努力摷話題. A君: "近來點呀?" B君: "都係咁囉, 返工囉". 下一輪沉默. B君: "你屋企幾骨子喎" A君: "都咁上下啦" 又一輪沉默... 如是者到走嘅時候, B君個honey就係咁同B君講"吖! 佢地兩公婆原來點點點點架, 佢奶奶呀點點點點架, 佢隔離屋呀又點點點點架. 下?乜A君冇同你講咩? 咁你地講咗咩呀?" B君: "冇呀, 咪講下佢屋企幾骨子咁囉." B君honey: "下? 你地唔係呀? 兩個男人對住成幾個鐘頭就係講咗咁多嘢咋? 都唔知你地搞過d乜. 係咪有嘢唔話我知呀? 講! 你地講過d乜?" B君心諗: "大佬呀. 有乜嘢好講啫? 真係就係咁多嘢咋喎, 你想我點?"
仲有原來有研究發現, 女人每日平均講7000個字, 男人呢? 2000.
所以夜晚返到屋企, 一對情侶講電話, 女嘅好多嘢講, 但係男嘅唔多講嘢. 咁可能係因為男嘅已經講晒佢果日嘅quota. 事實上, 男人真係唔會有咁多嘢講的. 女人唔好成日怪男人唔同自己講嘢, 唔講心事, 因為男人本身就係唔會講心事嘅.
女人唔開心點做? 會call friend傾偈, 盡訴心中情. 男人呢? 會call friend出嚟陪自己, 咁出到嚟會做咩? 坐, 坐, 同埋坐. 男人係咁, 唔開心call人出嚟, 並唔係要吐苦水, 只要幾條"撚樣"出嚟陪自己坐下, 就等於同佢地講咗自己嘅心事出嚟架喇.
所以呢, 兩性相處, 了解對方係好重要. 千祈唔好當咗對方同自己一樣咁. 想好好咁同對方溝通, 就要遷就一下對方嘅天性. 好似女方同男方講嘢見男方唔多出聲, 要明白佢唔係唔想同你講嘢, 而係佢天性就係唔多講嘢, 包括心事. 男方又要做d乜? 女方講嘢, 男方就要俾佢地同你講, 用心去聆聽, 有咩想表達嘅就盡量講.
總之要記得, 男人係"狩獵者", 女人係"收集者".
p.s. 同場有講到兩性對性嘅睇法, 不過咁敏感嘅話題我當然唔鍾意亦唔會喺呢度講啦. 不過講果時真係驚聰哥唔知會唔會好尷尬, 事關佢好純(我地認為.
--
我看了<死佬日記Caveman>
觀眾 於 2008-02-03 00:06:47
<死佬日記Caveman>
歐錦棠擔綱演出的舞台劇 (比較像talk show，沒有太多情節，春天舞台製作，除前半段稍為平淡外，中段開始精彩，內容貼身對白抵死到肉，看得很開懷。此劇特別適合男女朋友結伴來看，定能排解誤會，會心微笑。可惜沒有帶男笨友來看，真遺憾! 我們「睇劇三人組」單刀赴會，過了快樂的一夜。
歐錦棠 – 亞記過檔無記的演員，對他認識不多，近期處境劇中沙塵縮骨的「無鬼用」非常搶鏡 (繼樓華後另一喜愛角色，這次劇目獨挑大樑，表現令人驚喜萬分，歐個人solo個半小時零間場，印象難忘。
剛看過專欄寫男女關係，對安全感有感而發，無獨有偶<死佬日記>亦是以男女相處為題材，分析了不少男性心態，上了寶貴的一課。推薦<死佬日記>，大家拖男帶女去欣賞吧! 或者會有不同的體會呢!
不常看舞台劇，之前吸引我進場的是詹sir詹瑞文，假如<萬世歌王>是一齣令我拍爛手掌牙骹酥軟的劇目，<死佬日記>就是另外一齣。
--
歐錦棠楝篤笑-死佬日記CAVEMAN
Ricky.L # 9 於 2008-02-03 01:54
早前睇過南華人ivan及煜昇daddy於blog內都睇過呢套舞台劇及有不錯的評價,上網睇有關資料原來套劇於2/2(星期六)加開一場,(我對上一次睇舞台劇應該係約7-8年前了都唔記得套劇名啦),打電話問還有少量飛賣,於是放工後便買咗兩張$150飛位置我選最後一行中間位置,因藝術中心壽臣劇院不是太大最後一排離舞台都唔會好遠.
今晚真係好趕時間,睇完[不死傳奇]-陳百強已是8:30,然後落樓下間飯堂食咗個羊腩煲9:10分食完,馬上飛的剛好趕到9:30開場. 套劇主要以另一個角度比如男性是打獵者,女性是收集者來帶出兩者對同一件事的不同睇法,及講到男性群體喜歡[講數],女性喜歡[合作]一段都十分好笑,當中講到好多point我同太太都好有共鳴一起對望後大笑呢!相信如果我再在家中發呆及無反應時盧太應該知道我發生什麼事了 ha ha!
今晚天氣得8度又落雨,於8:45又有曼城vs阿仙奴,本來真有一丁點後悔買咗飛要出街,但睇完後於笑聲中十分愉快地回家睇曼聯vs熱刺下半場比賽.
--
good show
vita 於 2008-02-03 10:05
hello，睇咗[死佬日記]，你演得很好~^^;如果劇本可以更地道，相信效果定更正!下次重演考慮加本地料吧!btw，十分喜歡你係(同事三分親)的表現~keep the good work going!!
--
(死佬日記)中的你魅力十足! 演出精彩! 平時有留意你的(同事三分親)武紀勇，演活一個小男人! 加油!
--
前幾日我同男友去睇死佬日記， 我男友仲笑得開心過我， 你做得好好呀， ，仲有呀， ，同事三分親我都有睇架， 你好好笑， 加油呀
呀仲有， 我覺得你講既男人同女人都太大路，可以講多幾種唔同既男人女人， 咁樣會仲有共鳴
--
死佬日記
G Force 於 2008-02-03 23:30
死佬日記
看到這套戲的名稱很久了，但一直沒有打算入場，直至知道主演的是歐錦棠，加上劇本介紹，便決定看看。 一直都有留意歐錦棠，覺得他做戲不俗，而且在街上碰見過他好幾次，上次他演李小龍的時候，已經想看看，無奈沒有機會，這次他第一次演獨腳，效果卻是很不俗。
劇本其實不是太特別，只是老生常談的男女大不同，由男女不同角色，演變出來的不同性格和特性，翻開任何一本心理入門或者火星大戰金星，都可找到例子。一向覺得歐的反應快，也有幽默感，這次的表演雖未到揮灑自如，但都令人喜出望外。想不到今次歐的表演都有相當多的形體動作同埋口技，佢的形體動作，都相當唔錯，扮不同人物聲音也維肖維妙 (當然唔夠泰臣黎喇)。
幾鐘意佢的主題，就係基本上男人同女人係唔同的生物，思想方法同埋說話都是不同的，大家要互相理解同配合。
也很驚喜見到歐的表演，現場的反應也很好，期待他下一次的演出。
--
再嚟多次 《死佬日記》
小吉子 於 2008-02-04 17:41
一個星期內睇第二次，不過仍然覺得好好睇.
上次係自己一個人睇，今次約多幾個朋友仔，有男有女. 睇完後竟然發現女仔感受深過男仔!?
--
死佬日記..
carman tsang 於 2008-02-04 20:43
歐錦棠的ONE MAN SHOW,
不俗..不俗..
劇本和對白十分啜核
可謂'到POINT'之作.
道出男女果真大不同,
女人常詬病男人,
不細心, 發白日夢,
死要面, 善忘
說過的東西又不做,
做又只做一半,
害怕承諾,
對你的熱情指數如恆指般,
有跌無升...
但男人又何嘗不是認為女人,
天生小氣,
多心, 喜歡講是非,
喜歡搜查男朋友的私人物品,
硬要男朋友承諾什麼什麼
多愁善感,甚至杞人憂天....
太多太多不同,
但女人有一種特性,
就不是所有男性都可以看出,
又或者他們不願意看出罷了..
女人喜歡偽裝,甚至一人分飾數角,
特別是漂亮的女孩...
她可憐,她純情,
她天真無邪,
她毫無城府,
她永遠同意你的觀點,
她間中還會傷春悲秋,
你就是她的一切...
你有遇過嗎?
小女子亦遇到不少呢,
失望不少...
未遇到的話,
我替你有點可惜;
幸運的你,若遇到了,
GOD BLESS YOU;
泥足深陷的你,
仍覺得你會是找到了,
那我要重新審視你的品味了.....
哈哈.. 女神...
--
死佬+歌后：一好一好寡
出走傳媒人 於 2008-02-05 09:00
一連看了兩部春天製作；(死佬日記)+(蔓珠沙華)，一部幾好一部就好寡囉~
不得不驚嘆電視的影響力；一直有留意歐錦棠，但要不是一部(同事三分親〕令他人氣急升，相信亦未必有(死佬日記)這部為他度身訂造的製作出現．打從(同事三分親〕中的武紀勇角色出現，他日日都帶給港人不少歡樂... 雖然看過他的專訪(http://www.stephenau.com/)，就會知他是個有理想的演藝工作者，可能較為期望演一些serious的角色；但入了屋，的確令他更為人熟悉；之後演什麼亦更有支持力呢...
(死佬日記)改編自美國舞台劇(Caveman)，講男女大不同，本來並不算特別，但歐錦棠的演出，令一些老生常談的情節，變得可愛動人. 我以前在英國玩過兩年Solo Acting，知道一個人要支撐起個半小時的劇場殊不簡單；而個人魅力可補劇本不夠地道的弊處，這方面，歐錦棠的功力尤為重要.
Overall，(死佬日記)娛樂性不俗，將來若重演，大家可考慮欣賞.
--
死佬日記
阿文 於 2008-02-05
看過《男女大不同》、《男人都該知道的女人秘密》和《女人都該知道的男人秘密》後，明白當中的道理。自己努力去改變，又或者跟女性同化(變或隨波逐流是雙魚座的一種令人又愛又恨的特質)，但總覺得這些書籍欠了一點點兒。不過，要我說出欠了什麼東西，我又說不出那的是什麼?
直到看過由歐錦棠所演出的棟篤笑話劇《死佬日記》，我才明白當中的原因。
不是說那些書藉沒有道理；相反，作者所講的，就是《死佬日記》所演的。然而，他們所舉出的例子，往往是自己或朋友的經歷。那些事例是外國人的經驗，而且說起來較嚴肅，於是欠了一份共鳴。《死佬日記》卻相反，此劇用了港人的生活作背景，以輕鬆的手法解釋男人不是女人眼中的死佬，讓倆性互相了解，從而達至和諧。共鳴之處，就在於此。
道理雖是老生常談，大家都知，但卻難於實踐。要掌握重點，就先要明白自古以來，男女雙方的職務。前者是個守獵者(以獵取野獸給家人溫飽為已任)，所以他們做任何事只要找到目標，便不顧身邊的人和事，勇往直前，直到任務完成，才會罷休；而後者是個收集者(到處盡量採摘最多的野果及照顧家庭大小事為己任)，所以她們總不會放過身邊任何大小事情。因此男人不愛說話、不愛購物、不愛別人佔據自己的地方、愛討價還價，但不愛與人合作…而女人卻相反。亦因此，女人總不明白男人的語言，甚至把當中的意思相反，引起不必要的爭吵。了解這一點，有助兩性和諧共處，減低兩者的磨擦。
歐錦棠的演出，真的令人刮目相看。在電視裡的他總是當一些奸角、無賴或小角色，近期在電視城遇到他，總是與老外及蔡淇俊玩三人行。可是，在我腦中總不能將歐錦棠這三字與他的面孔連結起來。原來，他能獨當一面，短時間一人扮演數角的能力。一小時半的演出，氣氛控制得十分恰當，沒有悶場之餘，也讓觀眾在劇後反思。的確，有好幾次我差點笑破肚皮。
--
[死佬日記]
Small Potato 於 2008-02-11 16:19
<死佬日記>
1月25日
多得Y小姐提議去看這齣one man show，跟L小姐三個也覺得這個show是出乎意料之外的爆笑。(*其實初時大家還濛查查以為這是有劇情的舞台劇><，直至開始了差不多十五分鐘才發現是one man show)
《死佬日記》以"野人論"道出男人(狩獵者)和女人(收集者)的大不同。女人喜歡收集情報，天南地北無無謂謂乜都傾一餐; 男人專注做事，少說話。女人愛SHOPPING，漫無目的地四周探究新事物; 男人購物只會有目標而專注的，成功狩獵目標後便回家......etc. 還有更多更多的生活例子。
個人覺得最有共嗚的是他模仿女人在談論衣著的那part(去宴會要穿什麼、配襯什麼顏色、戴什麼belt......) 當女人討論起這topic，真的可以談上大半天。這不就是我跟其他婆仔平時msn 的話題??~~~
不知道百老匯版本跟地道版本的內容分別有多大, 但歐錦棠的演繹真的很出色，尤其是模仿女人動態及語氣那方面~
精彩!~
--
給『死佬日記』的悔過書
企鵝 於 2008-02-12 16:59
超後悔之前無入場睇歐先生的『死佬日記』!
當今日看到這段短片時就更加後悔!!
超後悔! 勁後悔! 點解要係果排考試呢? 點解連少少時間都唔肯抽出尼去買飛呢? 明明一早講明要去睇但都無實行到，點解呢? 點解要咁呢?
歐先生....我真的對不起你呀....
--
"死佬日記"
See See 於 2008-02-12 23:13
來源 fm 戰友's blog (因為佢個 blog 淨係比我睇咋 ! 哈哈 !)
舞台劇 ---- "死佬日記", 由歐錦棠主演, 其實成套劇就只有佢一個由頭做到尾, 應該係由頭噏到尾, 個半鐘冇停過, 好犀利呀!
好似楝篤笑, 又真係好好笑, 我笑到哈哈聲, 好ok, 套劇主要係講男人嘅對各樣事嘅諗法同做法, 由佢講出嚟就會發覺其實依d事平日都會發生,
只係我哋冇留意. 例如同一件事上, 男人同女人嘅做法同睇法可以咁唔同. 最攪笑係原來女人每日會講7000隻, 而男人只會講2000隻字,
咁佢就話到咗夜晚當一個男人見到架好靚嘅車行過, 佢就話 "嘩..............", 係因為佢今日嘅字已經用晒, 所以唔好話 d
男人成日都唔講嘢, 哈哈! 乜女人真係有咁多嘢講架???! 我覺得依套劇都值得一睇
唔講真係唔知, 唔怪得我識嘅男人都比我沉默啦 ! 又唔怪得我咁多嘢講啦 ! 咁我真係一個女人嘛 ! 哈哈 ! 咁戰友 ......
點解你咁少講嘢 ? 唔通你 D quota 唔係用嚟同我講 ?
回應
大頭小師妹 2008-02-13 11:32
又真係幾攪笑bor....
--
『死佬日記』的回歸
企鵝 於 2008-03-21 16:28
「死佬日記」決定八月重演，而四月和七月則分別進軍加拿大和星加坡
之前無唔睇到，今次我一定要實行去睇!一定! 一定! 一定!
--
![Dream-Dream - [Renee Dai]](http://www.stephenau.com/blog/blogroll/reneedai.jpg "戴夢夢")
