一年間，《死佬日記》已經在港四度公演了! 仍有好些觀眾和友好再三捧場，在此作為「亞洲首席死佬」，謹致衷心的謝意! 勇於挑戰、不甘重覆，是我在創作思路上的格言。每次為《死佬日記》重演再採排時，總會挖空心思為演出增添新元素，希望每位都樂而忘返，都認為物超所值! 當然，最大的意願，莫過於能感染觀眾惜緣之可貴，如二月重演時，有觀眾上前告訴我，此劇已令到他分別認識的兩對本已分手的情侶再度復合! 此等bonus絕對是我意想不到的。 雖然抱著「與時並進」的宗旨，礙於版權所規定，《死佬日記》的內容是有一定的模式，但今次的改動卻是歷來最多，效果也最瘋狂! 加上小弟不甘寂寞自編自導自演一節秘密武器，全新棟篤笑「死老坑日記」，肯定今次演出絕對超值! 上星期現場所見，盡是笑聲震天、笑得人仰馬翻、笑得珠淚漣漣，每次都見台下觀眾真係笑到標眼淚。 《死佬日記》四度公演8月8-9號(星期六、日)香港理工大學賽馬會綜藝館最後兩場，把握機會同你的至愛親朋、心愛的人一齊嚟笑餐飽啦!(記住帶紙巾!)最最緊要……………….. 記得叫ENCORE!!
大家開始好忙好忙‧ 8月8號，「2008北京奧運」，舉世期待! 8月7號，《同事三分親》大結局，焉能錯過! 8月6號，《死佬日記》載譽重演，一定要睇! 論先後次序、論8月觀眾事件簿，《死佬日記》同你打頭陣! 睇完「三分親」迎奧運! 無論你係男人、女人、末婚、已婚、失婚、初戀、熱戀、苦戀、追緊人、比人追、想追人、等緊追，睇「死佬日記」包你笑到爆之餘仲有得著，分分鐘可以領會到男女相處嘅真諦! 真係咁堅? 堅! 如果唔係，點會在全球30多個國家演出超過800場，長做長有? 作為亞洲區第一個、亦係由香港人飾演「死佬」(Caveman)，你點可以唔撐? 《死佬日記》4月橫掃加拿大，8月回歸香港，Update大量笑料+新拍video， 爆笑巨彈狂炸理工大學賽馬會綜藝館，ARE YOU READY? 日前我到旺角街頭為「死佬」宣傳，打扮成野人，好好玩! [...]
在多倫多演出完畢，翌日便飛往「死佬加拿大之旅」最後一站，溫哥華‧ 之前曾數次以工作性質到訪當地，沒太多私人時間，加上今次停留不足兩天，還要演出和做兩個訪問，仲點玩？ 冇問題! 一者在多倫多玩得性起，二者我深信只要安排得當，短暫歡愉同樣過癮、少少時間足以玩轉溫哥華!尤其今次群策群力，決定第一站，食! 開講有話“民以食為天”，但高志森話：“食以蟹為鮮”! 好大隻皇帝蟹! “對唔住，我要食你喇，皇上!” 肥獅大隻蟠龍鱔，為斯敏最愛，可惜她已回港，只好留住“鱔”影，望梅止渴‧ 一蟹四味，其中這味芝士蟹蓋焗飯，真係正到….. 個個捧住肚，食得好開心!盛惠………唔知幾多，因為，多謝高生! 第二天節目由我早泳開始，之後集合，(又係高志森提議)去食溫哥華最好的菠蘿油‧這間港式茶餐廳其門如市，食品水準超班! 奶茶香滑、餐肉炒蛋一絕、沙爹牛公仔麵大碗夾好味無與倫比! 終於到主角菠蘿油出場! 端上來賣相已贏得好感，直徑達五寸的包身，並不霸道，酥皮層次分明，質感丰厚，色水濃淡得宜，一看便知烤焗火喉控掣得恰到好處‧掀起雪白包身覆蓋著的約3mm厚的牛油，手指輕握着仍帶微溫的麵包，有馬上鯨吞整個菠蘿油的衝動‧ [...]