工展會、美食博覽人流不息；電腦節生意額超標；名牌減價人龍大打蛇餅；食肆座無虛席，只聽過有伙記做到頭昏腦漲時說：「又話金融海嘯?」 人們並非不想消費，只是精打細算。有著數當然更錦上添花。 「要人人開心笑住走!」 這是我以前搞「小龍館」時常掛在口邊的話。 演「死佬日記」時，就實現了這個情境。 好，一於群策群力，守望相助，踢走低迷! 新年送大禮! 為賀老友盧俊豪(阿盧)創業，一於「人唔做我做，拚打新出路!」 凡購買2009年1月1日 4:00 pm 或 8:00 pm《鬥角勾心》場次的門票，可憑票尾免費欣賞2009年2月《死佬日記》(三度公演)之優先場(其演出日期將於1月1日《鬥角勾心》演出後公佈)。 2月《死佬日記》原本只在葵青劇院演出五場，特為《鬥角勾心》之首日觀眾而設，錫晒你地! 一票可以睇兩劇，笑完可以再狂笑，一於笑聲抗海嘯! 快啲傳開去啦!
最近大家有坐地鐵的，都會看到我最新舞台劇《鬥角勾心》的海報。 此劇是百老匯經典長壽舞台劇，情節出人意表，劇力萬釣又令人忍俊不禁，是極考演員功力的上好劇本，而且得知我偶像阿爾柏仙奴亦曾經踏台演出我同一個角色——火爆男「教頭」，再加上是盧俊豪成立的「阿盧製作」的頭炮演出，老友創業，做兄弟兩脅插刀………….就無謂嘞，倒不如瞓身做宣傳! 潮流玩cosplay，型男出巡派傳單，當然大施制服誘惑! 因劇情講述三名九流不成氣侯的古惑仔，所以阿盧(盧俊豪)著囚犯衫，我和阿Jam(鄭嘉俊)則穿著毛領大衣，內裏嘛……..(大家睇相)。以至光天化日，我頻頻被姐姐仔食豆腐，而阿Jam則慘被兩男調戲，要細數他的胸毛。阿盧，做朋友都算係咁喇! [...]
創新低。樓市創新低、恒指創新低、收視創新低……….. 關我乜事! 只知一日未收大信封，日日都仲要開工。為富多不仁，賺緊錢都仲要炒人，@#X^YZ! Blog瀏覽人數創新低，就肯定關我事。 梗係啦，都冇update，鬼睇你咩! 但係原來真係可以忙到冇時間寫blog，我自己都唔信。 日日番工，放工去排戲，排到半夜點幾，又冇得番館練拳，人都癲! 不過咁，排戲真係好開心! 就嚟又有新戲上喇，密切留意! – 以下是日本語譯文 譯者：小白 次の日本語翻訳したものです 最低記録の更新、不動産業が最低記録を更新、株価が最低記録を更新、視聴率が最低記録を更新……….. そんなの知ったこっちゃない！とりあえず、クビにされるまでは毎日仕事しなければいけないことしか頭にない。儲かっているのに人をクビにするなんて！@#X^YZ! ブログ閲覧者数が最低記録を更新したって言ったら僕に関係あるね。 そりゃそうだよね、全く更新してないんだから、誰が見るかって！ でもビックリしたのは本当にブログが書けないほど忙しくなることってあるんだって気づいたことだ。自分でも信じられなかった。 毎日仕事が終わったあとは演劇のリハーサルが夜中まで続く。道場に練習に行く時間すらないなんて、頭がおかしくなってしまう！ しかし、演劇のリハーサルは本当に楽しい！ またもうすぐ新しい演劇があるので、乞うご期待！